ភ្នំពេញ៖ តាមសេចក្តីរាយការណ៍ឲ្យដឹងថា នៅម៉ោង២៣៖៣០នាទីយប់ មានករណីប្លន់យកម៉ូតូ MSX ពណ៌ក្រហម ស្លាកលេខភ្នំពេញ 1CO-7352 បានសំរេចជិតផ្សារស្ទឹងមានជ័យចាស់ ពីជនរងគ្រោះម្នាក់ឈ្មោះ សៀ សុខឡេង ភេទប្រុស អាយុ២១ឆ្នាំ មុខរបរនិស្សិត ស្នាក់នៅសង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ។

ជនរងគ្រោះបាននិយាយប្រាប់ឲ្យដឹងថា មុនកើតហេតុគាត់បានជិះម៉ូតូមកពីផ្សារទួលសង្កែ គោលបំណងមកផ្ទះ លុះជិះមកដល់ជិតផ្សារ ស្ទឹងមានជ័យចាស់ ក៏ស្រាប់តែលេចមុខ ជនល្មើស៤នាក់ ប្រើប្រាស់ម៉ូតូ២គ្រឿង MSX ពណ៌ សមួយគ្រឿង និងមួយគ្រឿងទៀត មិនចាំម៉ាកមាន ប្រើប្រាស់កាំភ្លើងខ្លី១ដើម ភ្ជង់ប្លន់យកម៉ូតូពីជនរងគ្រោះ គេចចេញទៅបាត់។ ក្រោយពីកើតហេតុជនរងគ្រោះ បានទៅដាក់ពាក្យបណ្តឹងនៅប៉ុស្តិ៍ស្ទឹងមានជ័យ៕

ផ្តល់សិទ្ធដោយ ដើមអម្ពិល