កណ្តាល៖ បុរសម្នាក់ត្រូវ បានក្រុម គ្រួសារអះអាងថា ផឹកស្រាស្រវឹងជាប្រចាំ ហើយនៅពេលស្រវឹង ម្តងៗតែងតែចុះទៅងូតទឹក ទន្លេប៉ុន្តែលើកក្រោយនេះ ទំនងភ្លាត់ស្នៀតលង់ទឹកស្លាប់ បង្កឲ្យមានការភ្ញាក់ផ្អើល កាលពីវេលាម៉ោង១៧ ថ្ងៃទី៤ ខែកញ្ញា ឆ្នាំ២០១៥ ស្ថិតនៅចំណុចកំពង់ទឹកទន្លេ ក្នុងភូមិព្រែកក្តី ឃុំព្រែកតាទែន ស្រុកពញាឮ ខេត្តកណ្ដាល។

នគរបាលបានឲ្យដឹងថា ជនរងគ្រោះឈ្មោះ យ៉ឹម.សារិន ហៅខន ភេទប្រុស អាយុ៤៨ឆ្នាំ នៅភូមិឃំុ កើត
ហេតុ។

នគរបាលបានបន្តថា កាលពីម៉ោង៨ព្រឹក ថ្ងៃកើតហេតុមានអ្នកជិតខាង បានឃើញជនរងចុះងូតទឹកទន្លេ ក្នុងស្ថានភាពស្រវឹងជោគ ក្រោយមកក៏បាត់មិនឃើញឡើងវិញ ទើបបង្ករឲ្យភ្ញាក់ផ្អើល ក្រុមគ្រួសារក៏នាំគ្នា ចុះរាវរហូត ដល់ម៉ោង១៧ជាង ទើបប្រទះឃើញ ជនរងគ្រោះបានស្លាប់បាត់ទៅហើយ ក្រោយមកបានរាយការណ៍ ឲ្យនគរបាល និងជំនាញចុះមក ពិនិត្យសាកសពរួចសន្និដ្ឋាន ថាជនរងគ្រោះ ពិតជាបានស្លាប់ដោយសារលង់ទឹក ហើយក៏ប្រគល់សាកសពទៅឲ្យក្រុមគ្រួសារ ចាត់ចែងធ្វើបុណ្យតាមប្រពៃណី៕

ផ្តល់សិទ្ធដោយ ដើមអម្ពិល