ភ្នំពេញ: បុរសម្នាក់បានរងរបួសធ្ងន់ បែកមុខហូរឈាម ស្រោចខ្លួន និងម្នាក់ទៀតរង របួសស្រាល ដោយសារតែជួប គ្រោះថ្នាក់ចរាចរ រវាងម៉ូតូធន់ធំម៉ាក យ៉ាម៉ាហាFZ ជិះឆ្លងផ្លូវ ត្រូវម៉ូតូសង់កូរ៉េ វ៉ាក់ បុកចំពីមុខពេញទំហឹង កាលពីវេលាម៉ោង ៨និង២០នាទី យប់ថ្ងៃទី ១០ ខែកញ្ញា ឆ្នាំ២០១៥ នៅលើបណ្តោយ ផ្លូវជាតិលេខ៤ ក្បែរនិងសង្កាត់ចោមចៅ ស្ថិតក្នុង ភូមិថ្នល់បំបែក សង្កាត់ចោមចៅ ខណ្ឌពោធិ៍សែនជ័យ ។

តាមប្រភពពត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេ បានឃើញបុរស ម្នាក់ជិះម៉ូតូធន់ធំម៉ាកយ៉ាម៉ាហា FZ មួយគ្រឿង ពណ៌ក្រហម ពាក់ស្លាកលេខភ្នំពេញ 1FB-0768 ជិះដោយបុរសម្នាក់ តាមបណ្តោយផ្លូវជាតិលេខ៤ ក្នុងទិសដៅ ពីកើតទៅលិច ខណ:ពេលជិះដល់ ចំណុចកើតហេតុ ខាងលើ ក៏បានបត់ឆ្លងផ្លូវរួចជិះបញ្ច្រាសផ្លូវ ទៅមុខរហូត ខណ:នោះ មានក៏មានបុរស ម្នាក់ជិះម៉ូតូសង់កូរ៉េ មួយគ្រឿង ពណ៌ក្រហម ពាក់ស្លាកលេខ ៤៩៦៣ ភព១ ជិះ តាមបណ្តោយ ផ្លូវជាតិលេខ៤ ក្នុងទិសដៅពី លិចទៅកើត វ៉ាក់ចាប់ហ្វ្រាំង មិនទាន់បុកពីមុខ យ៉ាងពេញទំហឹង បណ្តាលអោយភាគីខាងម៉ូតូ សង់កូរ៉េ រងរបួសធ្ងន់បែកក្បាល ហូរឈាមស្រោចខ្លួននិងភាគីខាងម៉ូតូ FZ រងរបួសស្រាល ។ បន្ទាប់មករថយន្ត សាមុយរបស់៧១១ បានមកដល់ កន្លែងកើតហតុនិងបានដឹកយកបុរស ដែលរងរបួសធ្ងន់ ទៅសង្គ្រោះបន្ត នៅមន្ទីរពេទ្យ។

ក្រោយពេលកើតហេតុ សមត្ថកិច្ចបានមកដល់កន្លែងកើតហេតុ និងបានធ្វើការាស់ វែងយក ម៉ូតូទាំង២គ្រឿង ទៅរក្សាទុកនៅ អធិការដ្ឋាន នគរបាល ខណ្ឌពោធិ៍សែនជ័យ ដើម្បីរងចាំការដោះ ស្រាយគ្នានៅពេលក្រោយ ៕

ផ្តល់សិទ្ធដោយ ដើមអម្ពិល