កំពង់ឆ្នាំង៖ បុរសម្នាក់ត្រូវបានកម្លាំង កងរាជអាវុធហត្ថ ស្រុកកំពង់ត្រឡាច ធ្វើការចាប់ឃាត់ខ្លួន ខណៈចាយ លុយដុល្លាក្លែងក្លាយ កាលពីវេលាម៉ោង ៨និង៣០នាទី យប់ថ្ងៃទី១៣ ខែកញ្ញា ឆ្នាំ២០១៥ ។

លោក ស្រី ស៊ីថា មេបញ្ជារងកងរាជអាវុធហត្ថ ខេត្តកំពង់ឆ្នាំង បានឲ្យដឹងថា ជនសង្ស័យត្រូវបានកម្លាំង កងរាជអាវុធហត្ថចាប់ខ្លួន ក្រោយមានម្ចាស់រថយន្តតាក់ស៊ី បានធ្វើការប្តឹងភ្លាមៗ ខណៈបុរសរូបនោះ ទូទាត់ថ្លៃ រថយន្តតាក់ស៊ី ដោយចាយដុល្លារក្លែងក្លាយ នៅខាងមុខផ្សារសាលាលេខ៥ ស្ថិតក្នុងភូមិសាលាលេខ៥ ឃុំអូរឬស្សី ស្រុកកំពង់ត្រឡាច ខេត្តកំពង់ឆ្នាំង ។

លោកបានបន្តថា បុរសជាជនសង្ស័យមានឈ្មោះ កាំង ហៀង អាយុ៣០ឆ្នាំ មានទីលំនៅ ភូមិតាអត ឃុំពានី ស្រុកកំពង់ត្រឡាច ខេត្តកំពង់ឆ្នាំង សមត្ថកិច្ចបានឃាត់ខ្លួន ឆែករកឃើញលុយដុល្លារក្លែងក្លាយ ចំនួន១៥០ដុល្លារ និងខ្សែ-ក កាឡៃ១ខ្សែ ។

បច្ចុប្បន្នជនសង្ស័យ ត្រូវបានកសាងសំណុំរឿងបញ្ជូន ទៅសាលាដំបូងខេត្តកំពង់ឆ្នាំង តាមនីតិវិធីច្បាប់៕

ផ្តល់សិទ្ធដោយ ដើមអម្ពិល