ស្ត្រីមេម៉ាយ មានវិបត្តិផ្លូវចិត្ត ផឹកស្រាដាច់បាយ ដាច់ទឹក ខ្យល់.គរស្លាប់លើខ្ទម

ស្ត្រីមេម៉ាយ មានវិបត្តិផ្លូវចិត្ត ផឹកស្រាដាច់បាយ ដាច់ទឹក ខ្យល់.គរស្លាប់លើខ្ទម

ខេត្តកំពង់ឆ្នាំង ៖ ស្ត្រីម្នាក់ដេកស្លាប់លើកូនខ្ទមម្នាក់ឯង បង្កឱ្យមានការភ្ញាក់ផ្អើល កាលពីម៉ោង០៥ និង១៥នាទីល្ងាចថ្ងៃទី១៦ កញ្ញា ២០១៥ ស្ថិតនៅភូមិកណ្តាល សង្កាត់កំពង់ឆ្នាំង ក្រុងកំពង់ឆ្នាំង ខណៈដែលប្អូនប្រុសត្រឡប់ពីធ្វើការវិញ ក៏ប្រទះឃើញ ។

ប្រភពពីកន្លែងកើតហេតុឱ្យដឹងថា ស្ត្រីរងគ្រោះឈ្មោះមុំ សារ៉ាន់ អាយុ៤៤ឆ្នាំ ជាស្ត្រីមេម៉ាយកូន១ មុខរបរដើរស៊ីឈ្នួលបោក ខោអាវឱ្យគេ រស់នៅក្នុងភូមិ កើតហេតុខាងលើជាគ្រួសារក្រីក្រ រស់នៅជាមួយប្អូនប្រុស៣នាក់ ក្នុងខ្ទមស្លឹកតូចមួយ ដោយប្អូនៗធ្វើជាកម្មករសំណង់ រកបាន១ថ្ងៃរស់១ថ្ងៃ ។

ប្រភពពីប្អូនឱ្យដឹងថា បងស្រីខ្លួនមានប្តី២នាក់ ប្តីទី១បានកូន១ ហើយលែងលះគ្នា៧ឆ្នាំមកហើយ ចំណែកកូនបានទៅរស់នៅ ជាមួយប្តីនៅក្រុងកំពង់សោម។ ប្តីទី២ ឈ្មោះរី ជាស្ត្រីដូចគ្នាយកគ្នាជាប្តីប្រពន្ធ មានកូនចិញ្ចឹមម្នាក់ និងបានលែងលះគ្នា ទៅនៅឯខេត្តតាកែវ រយៈ២ឆ្នាំហើយ ចំណែកកូនចិញ្ចឹមបានទៅ រស់នៅជាមួយឈ្មោះរី ដែលគាត់បានចាត់ទុកជាប្តី។

ក្រោយពេលបែកគ្នា ជាមួយប្តីជាស្រីដូចគ្នានេះ គាត់មានវិបត្តិផ្លូវចិត្ត យ៉ាងខ្លាំង១ថ្ងៃៗ គិតតែពីផឹកស្រារហូត ភ្លេចបាយភ្លេចទឹក ធ្វើអោយសុខភាពទ្រុឌទ្រោមខ្លាំង ។ ហើយនៅរសៀលថ្ងៃទី១៦ កញ្ញា ប្អូនប្រុសបានទៅធ្វើកម្មករសំណង់អស់ ចំណែកស្រី្តរងគ្រោះ នៅក្នុងផ្ទះធម្មតាមិនមានរឿងអ្វីទេ ប៉ុន្តែពេលប្អូនមកពីធ្វើការវិញ ក៏ស្រាប់តែឃើញបងស្រី ដេកស្លាប់នៅលើផ្ទះបាត់ទៅហើយ ទើបធ្វើឱ្យអ្នកស្រុកក្នុងភូមិភ្ញាក់ផ្អើលតែម្តង ៕