ឥណ្ឌូណេស៊ី៖ ពាក្យចាស់ពោលថា ប្រទេសមានច្បាស់ គ្រួសារមានវិន័យ ដូចនេះហើយ អ្នកបំពានទៅលើគោលការណ៍ នៃក្រមបញ្ញាត្តិ ឬប្រពៃណី ដែលគេចែងឲ្យ ប្រតិបត្តិទាំងនោះ រមែងត្រូវទទួល ទោសជាក់ជាមិនខាន ឡើយ ។

ឧទាហរណ៍យ៉ាងជាក់ស្តែងមួយ ដូចនៅប្រទេសឥណ្ឌូនេស៊ីឯណោះវិញ មិនថាឡើយ ប្រុសឬស្រីនោះទេ ឲ្យតែគេចាប់បានថា បានប្រព្រឹត្ត អំពើខុសប្រពៃណី គឺរួមភេទ មិនទាន់រៀបការ នឹងត្រូវទទួលទោសពិន័យ ដោយត្រូវឈរ ឬលុតជង្គង់ ឲ្យគេវាយ ជាមួយនឹងរំពាត់ នៅពីមុខសាធារណៈជន ជាច្រើននាក់ ។

យោងទៅតាមរូបភាព ដែលបានដាក់បង្ហាញ បានសបញ្ជាក់យ៉ាងច្បាស់ថា ប្រជាពលរដ្ឋ ឥណ្ឌូនេស៊ី បានកំពុងតែអនុវត្តន៍ ក្រមវិន័យមួយ ដោយដាក់ទោសវាយ នឹងរំពាត់នៅ ចំពោះមុខមហាជន ចំពោះបុគ្គលណា ដែលបានប្រព្រឹត្តទង្វើខុសប្រពៃណី ខណៈពេលដែល ខ្លួននៅលីវ ដែលនេះ ជាផ្នែកមួយ ជួយលើកស្ទួយ និងអភិរក្សក្រមសីលធម៌ និងសេចក្តីថ្លៃថ្នូរ របស់ពលរដ្ឋគ្រប់ៗរូប ។ ដោយក្នុងរូបភាពទាំងនេះ គេឃើញថា មានមនុស្សប្រុសស្រី ស្លៀកសំលៀក បំពាក់ពណ៌ស ជាមួយទឹកមុខក្រៀមក្រំ ត្រូវបានបុរស ម្នាក់ដែលឃ្លុំមុខជិត សល់តែរង្វង់ភ្នែក យករំពាត់មកវាយ លើពួកគេយ៉ាងដំណំ ម្តងម្នាក់ៗ នៅលើវេទិកា ក្រាលដោយព្រំពណ៌ក្រហម ចំពោះមុខមនុស្សម្នាជាច្រើននាក់ ៕

សូមទស្សនារូបភាព នៃការដាក់ពិន័យ ដោយវានឹងរំពាត់ ដូចខាងក្រោម៖

ប្រភព៖ asiantown

ដោយ៖ កុសល

ខ្មែរឡូត