បុរសមិនស្គាល់ អត្តសញ្ញាណ ម្នាក់ចង.ក ធ្វើអត្តឃាត នៅលើដើមអំពិល ក្នុងបរិវេណ សាលាស្រុកម៉ាឡៃ

បុរសមិនស្គាល់ អត្តសញ្ញាណ ម្នាក់ចង.ក ធ្វើអត្តឃាត នៅលើដើមអំពិល ក្នុងបរិវេណ សាលាស្រុកម៉ាឡៃ

ខេត្តបន្ទាយមានជ័យ ៖ បុរសម្នាក់មិនត្រូវបាន គេស្គាល់អត្តសញ្ញាណ ត្រូវបានក្មេងប្រុសម្នាក់ ប្រទះឃើញចង.កស្លាប់នៅលើដើមអំពិល កាលវេលាម៉ោង១១ និង៣០នាទីព្រឹក ថ្ងៃទី២០ ខែកញ្ញា ឆ្នាំ២០១៥ ក្នុងបរិវេណសាលាស្រុកម៉ាឡៃ ខេត្តបន្ទាយមានជ័យ ។

លោកវរសេនីយ៍ត្រី អៀម រីម អធិការនគរបាលស្រុកម៉ាឡៃ បានឲ្យដឹងថា បុរសដែលចង.ក ធ្វើអត្តឃាតនៅលើដើមអំពិលនេះមិនត្រូវបានគេស្គាល់ អត្តសញ្ញាណនោះទេ ជននេះមានសប្បុរសណ្តែកបាយ កំពស់១,៦៥ម៉ែត្រ អត់ពាក់អាវ ស្លៀកខោខ្លីត្រឹម ក្បាលជង្គង់ពណ៌ផ្ទៃមេឃ ត្រូវបានក្មេងប្រុសម្នាក់អាយុ ១២ឆ្នាំប្រទះឃើញសព ប្រើក្រម៉ាចង.កនៅលើដើមអំពិល ក្នុងសាលាស្រុក រួចក៏បានរាយការណ៍ ប្រាប់សមត្ថកិច្ច ។

លោកអធិការបានបញ្ជាក់ថា តាមការត្រួតពិនិត្យសាកសព គឺចង.កធ្វើអត្តឃាតពិតមែន ព្រោះនៅលើដងខ្លួនគ្មានស្លាកស្នាមអ្វីនោះទេ ក្រៅពីស្នាម.ករឹតដោយក្រម៉ា ។ សពត្រូវបានអាជ្ញាធរស្រុក រួមជាមួយសមត្ថកិច្ច នគរបាលស្រុក ដឹកយកទៅរៀបចំធ្វើបុណ្យ តាមប្រពៃណីនៅវត្តរតនៈម៉ាឡៃ ក្នុងឃុំម៉ាឡៃ ចំពោះធាតុរក្សាទុកនៅក្នុងវត្ត ។

ជាមួយគ្នានោះដែរ លោកអធិការនគរបាល ស្រុកម៉ាឡែសូមអំពាវនាវ បើមានបងប្អូនណា បាត់សមាជិកក្រុមគ្រួសារ សូមមកទំនាក់ទំនងនៅ អធិការដ្ឋាននគរបាលស្រុកម៉ាឡៃ ៕