ភ្នំពេញ៖ នៅវេលាម៉ោង៩៖៥០នាទី យប់ថ្ងៃទី២២ ខែកញ្ញា ឆ្នាំ២០១៥ នៅមុខ អាកាសយានដ្ឋាន អន្តរជាតិភ្នំពេញ ស្ថិតតាម បណ្តោយ​មហាវិថី សហព័ន្ធរុស្ស៊ី ក្នងសង្កាត់ ចោមចៅ ខណ្ឌពោធិសែនជ័យ មានករណីគ្រោះថ្នាក់ចរាចរណ៌ មួយបានកើតឡើង រវាងរថយន្ត ទំនើប២គ្រឿង បានបុកគ្នាពេញ ទំហឹងក្នងទិស ដៅផ្ទុយគ្មា។

តាមសាក្សីដែលនៅក្បែរកន្លែងកើតហេតុបានប្រាប់ថា នៅម៉ោងខាង លើគេបាន ឃើញរថយន្ត Nissan Navara ពណ៌ស ពាក់ស្លាកលេខ ភ្នំពេញ 2Q-7303 បើកបរដោយបុរស ម្នាក់ក្នុងទិសដៅ ពីកើតទៅលិច ក្នុងល្បឿនយ៉ាងលឿន លុះបើក មកដល់មុខព្រលាន យន្តហោះអន្តរជាតិ ភ្នំពេញ បានរេចង្កូតទៅ ខាងឆ្វេងដៃ បុកយ៉ាងពេញទំហឹងជាមួយ រថយន្តជាមួយ រថយន្ត Land Cruiser ពណ៌សំបកឪឡឹក ពាក់ស្លាកលេខ ភ្នំពេញ 2AA-1763 ដែលកំពុងធ្វើដំណើរ ផ្ទុយគ្នា បណ្តាលឲ្យ ខូចខាត រថយន្តទាំងសង ខាងយ៉ាងដំណំ និងម្ចាស់ រថយន្តបង្ក រងរបួសត្រូវបានដឹកទៅសង្គ្រោះ ភ្លាមៗផងដែរ ចំណែកខាងរថយន្ត Land Cruiser ពុំមានរង របួសនោះទេ បន្ទាប់មករថយន្តទាំង២គ្រឿង ត្រូវបានខាង ចរាចរណ៍ ក្រុងវាស់វែង និងស្ទួចយកទៅរក្សា ទុកដើម្បីរងចាំ ម្ចាស់ចូល ខ្លួនទៅដោះស្រាយ៕

ផ្តល់សិទ្ធដោយ ដើមអម្ពិល