បន្ទាយមានជ័យៈ នៅថ្ងៃទី២៥ ខែកញ្ញា ឆ្នាំ២០១៥ កម្លាំងនគរបាលក្រុងប៉ោយប៉ែត បានចុះបង្រា្កបទីតាំង ហ្គេមអ៊ីនធឺណេត ចំនួន២កន្លែង ១នៅចំណុចភូមិប្រជាធម្មលិច មណ្ឌល៦ និងទី២ នៅចំណុចភូមិ ប្រជាធម្មលិច មណ្ឌល៥ ហេតុការណ៍នេះ បានធ្វើឡើងនៅវេលាម៉ោង ១៥និង២០នាទី ។

លោក អ៊ុំ សុផល អធិការនគរបាលក្រុងប៉ោយប៉ែត បានឲ្យដឹងថា ប្រតិបត្តិការខាងលើ កម្លាំងនគរបាលបាន រឹបអូសកំព្យុទ័រ សរុបមានចំនួន២៣គ្រឿង និងឃាត់ក្មេងដែល កំពុងលេងមានចំនួន ១០នាក់មកធ្វើការអប់រំ និងឲ្យអាណាព្យាបាល មកធានា យកត្រឡប់ទៅផ្ទះវិញ ។

លោកបានបញ្ជាក់បន្ថែមទៀតថា  ទីតាំងបើកលេងហ្គេម ខាងលើនឹងត្រូវបិទទ្វារ ព្រោះថាការបើកឲ្យមានល្បែងខាងលើនេះ អាចធ្វើឲ្យមានការ ប៉ះពាល់ដល់ក្មេងដូចជា ធ្វើឲ្យក្មេងគេចសាលា ខាតបង់ពេលវេលា និងប្រាក់កាស និងអាចឲ្យ មានអំពើអសន្តិសុខ ក្នុងសង្គមជាដើម៕

ផ្តល់សិទ្ធដោយ ដើមអម្ពិល