ថៃ៖ តារាប្រុសថៃដ៏ល្បីឈ្មោះ លោក Mike Pirath Nitipaisankul នៅព្រឹកថ្ងៃទី២២ ខែតុលា ឆ្នាំ២០១៥ ម្សិលមិញនេះ បានទៅវត្តដើម្បីបួសសងគុណឪពុកម្តាយ ត្រូវបានបណ្តាសារព័ត៌មានក្នុងស្រុកជាច្រើន ចុះទៅថតយកទិដ្ឋភាពនៅក្នុងពិធីនោះយ៉ាងច្រើនកុះករ។

បើតាមប្រភពព័ត៌មានឲ្យដឹងថា លោក Mike ដែលជាតារាសម្តែងនិងជាតារាចម្រៀង រូបនេះ នឹងធ្វើការបួសសងគុណឪពុកម្តាយរបស់ខ្លួន នៅវត្ត Trai Mit Witthaya Ram រយ:ពេលចំនួន ១០ថ្ងៃ គឺចាប់ពីថ្ងៃទី ២២ ខែតុលា ឆ្នាំ២០១៥ ម្សិលមិញ តទៅ។

គួរបញ្ជាក់ដែរថា ប្រិយមិត្តខ្មែរយើងមួយចំនួន ស្គាល់តារាប្រុសរូបសង្ហារនេះ​ តាមរយ:ខ្សែភាពយន្តថៃ មួយដែលមានចំណងជើងថា Full House ឬ បំណុលផ្ទះជំពាក់ស្នេហ៍ ដែលមានលំនាំសាច់រឿងដើម របស់ប្រទេសកូរ៉េខាងត្បូង៕

ចុចអាន៖ តារាចម្រៀងថៃ Mike ទទួលស្គាល់ថា កូនរបស់តារាម៉ូដែល ថៃ-អ៊ីតាលី ពិតជាកូន របស់ខ្លួនមែន

ទស្សនាវីដេអូខាងក្រោម ដោយមេត្រី៖

រូបភាពរបស់ Mike ៖

ប្រិយមិត្តយល់យ៉ាងណាដែរ?

ប្រភព៖ Thairath

ដោយ សី

ខ្មែរឡូត