រថយន្តកាមរីហាយប្រ៊ីតជិះដេញគៀរនិងបុករថយន្តកាមរីបាឡែនរបស់តារាសម្តែងនិងចំរៀងល្បីឈ្មោះមូ សុវណ្ណគិរី

រថយន្តកាមរីហាយប្រ៊ីតជិះដេញគៀរនិងបុករថយន្តកាមរីបាឡែនរបស់តារាសម្តែងនិងចំរៀងល្បីឈ្មោះមូ សុវណ្ណគិរី

រាជធានីភ្នំពេញ ៖ រថយន្តកាមរីហាយប្រ៊ីតមួយគ្រឿងជិះដោយយុវជន៤ទៅ៥នាក់បានបើកដេញគៀររថយន្តមួយគ្រឿងទៀតម៉ាកកាមរីបាឡែនដែលគេដឹងថា បើកបរដោយតារាចំរៀងនិងសម្តែងល្បីឈ្មោះ មូសុវណ្ណគិរី ដែលរួមដំណើរជាមួយនិងប្អូនប្រុសម្នាក់ទៀត ត្រឡប់មកពីថតខ្សែភាពយន្តឱ្យផលិតកម្មសាន់ដេនៅតាមខេត្ត។ ហេតុការណ៍នេះកើតឡើងនៅវេលាម៉ោង១២និង១០នាទីរំលងអាធ្រាត្រ ឈានចូលថ្ងៃទី ៣ កក្កដា ២០១៤នៅចំណុចមុខបុរីសុភមង្គល តាមបណ្តោយផ្លូវជាតិលេខ៦A ស្ថិតក្នុងសង្កាត់ជ្រោយចង្វា ខណ្ឌឬស្សីកែវ ។

ក្នុងហេតុការណ៍នេះផងដែរបានបណ្តាលឱ្យរថយន្តរបស់លោកមូសុវណ្ណគិរី ជ្រុលចង្កូតឡើងលើសួនច្បារពុះចែកទ្រូងផ្លូវទៅមុខលែងរួច ហើយលោក សុវណ្ណគិរី របួសជើងស្រាលចំណែករថយន្តដែលបើកដេញគៀរ រថយន្តលោក សុវណ្ណគិរី បានជ្រុលចង្កូតទៅបុកផ្ទះប្រជាពលរដ្ឋទៅមុខមិនរួចដូចគ្នា ។

យោងតាមប្រភពព័ត៌មានពីម្ចាស់រថយន្តកាមរីបាឡែន ដែលជាតារាចំរៀងនិងសម្តែងល្បីឈ្មោះ បានឱ្យដឹងថា រូបគាត់ទើបតែត្រឡប់មកពីថតខ្សែភាពយន្តឱ្យផលិតកម្មសាន់ដេនៅតាមខេត្ត ដោយសារតែមិនស្រួលខ្លួនក៏បានធ្វើដំណើរតាមរថយន្ត កាមរីបាឡែន ពណ៌ស ពាក់ស្លាកបណ្តោះអាសន្ន៥៣៧៤ មួយគ្រឿងដោយរួមដំណើរជាមួយប្អូនប្រុស ធ្វើដំណើរតាមផ្លូវជាតិលេខ6A ក្នុងទិសដៅពីជើងទៅត្បូង ស្រាប់តែមកដល់ចំណុចកើតហេតុក៏មានរថយន្តកាមរីហាយប្រ៊ីត ពណ៌ស្ករ ពាក់ស្លាកលេខភ្នំពេញ 2Y-3457 ជិះដោយយុវជន៤ទៅ៥នាក់បានបើកដេញគៀរនិងបុករថយន្តរបស់គាត់រហូត។

លោក សុវណ្ណគិរី បានប្រាប់អ្នកកាសែតទៀតថា ដោយសារលោកភ័យខ្លាចក្រុមយុវជនដែលបើករថយន្តដេញគៀរគាត់នោះមានកាំភ្លើងទើបធ្វើឱ្យគាត់ចាប់ហ្រ្វាំងរថយន្ត ទាំងបង្ខំទើបធ្វើឱ្យរថយន្តរបស់គាត់ជ្រុលចង្កូតឡើងសួនច្បារពុះចែកទ្រូងផ្លូវកល់រថយន្តទៅមុខលែងរួចតែម្តង ។ ដោយឡែករថយន្តកាមរីហាយប្រ៊ីតរបស់យុវជនដែលដេញតាមគៀរនិងបុករថយន្តលោកសុវណ្ណគិរី វិញ បានជ្រុលចង្កូតទៅបុកផ្ទះប្រជាពលរដ្ឋហើយនាំគ្នាចុះពីលើរថយន្តរត់គេចខ្លួនអស់ ។

នៅក្រោយពេលកើតហេតុសមត្ថកិច្ចបានមកដល់ដើម្បីធ្វើការវាស់វែងកន្លែងកើតហេតុ ទើបគេឃើញក្រុមយុវជនម្ចាស់រថយន្តកាមរីហាយប្រ៊ីតចេញមកកន្លែងកើតហេតុវិញ ។

លោក សុ វណ្ណគិរី នៅក្នុងហេតុការ