ភ្នំពេញ៖ ពិធីការិនី អ្នកនាង គង់ សុជាតិ​ បានបង្ហាញទំហំក្តីស្រឡាញ់ ទៅកាន់ស្វាមី លោក ជា វិបុល ក្នុងថ្ងៃគម្រប់ខួបអាពាហ៍ពិពាហ៍២ឆ្នាំ។

កាលពីប៉ុន្មានម៉ោងមុននេះ ក្នុងគណនីអ៊ិនស្តាក្រាម របស់អ្នកនាង គង់ សុជាតិ បានបង្ហោះរូបថត ជាមួយស្វាមី ក្នុងថ្ងៃគម្រប់អាពាហ៍ពិពាហ៍២ឆ្នាំ គឺចំថ្ងៃទី៩ វិច្ឆិកា នេះតែម្តង។ ហើយនាងក៏បានសរសេរសារមួយផងដែរថា "សូមអរគុណបងសម្រាប់ផ្កា ដ៏ស្រស់ស្អាតមួយបាច់នេះ ក្នុងថ្ងៃខួបអាពាហ៍ពិពាហ៍របស់យើង  ហើយពិតជាមានន័យណាស់​ សម្រាប់អូន ព្រោះទ្រព្យសម្បត្តិអូន ដ៏មានតម្លៃរាល់ថ្ងៃនេះ គឺបងចេះយល់ចិត្តគ្នា ចេះផ្តល់តម្លៃឲ្យ និងស្រឡាញ់អូនដោយពិតប្រាកដ។ សូមឲ្យភាពល្អ របស់បងមានចំពោះអូន នៅឋិតថេររហូតណា"។
សារដ៏ផ្អែមល្ហែម របស់អ្នកនាង គង់ សុជាតិ សរសេរទៅកាន់ស្វាមី​ ក្នុងថ្ងៃគម្រប់ខួបអាពាហ៍ពិពាហ៍នេះ បានធ្វើឲ្យអ្នកលេងបណ្តាញសង្គម រំភើបចិត្តជំនួស ពេលឃើញពួកគេ ចេះស្រឡាញ់ថែរក្សាគ្នា តាំងពីដើម រហូតមកដល់សព្វថ្ងៃនេះ៕

សារ របស់អ្នកនាង គង់ សុជាតិ