ក្រុមជួយសង្គ្រោះស្រឡាំងកាំងពេលឃើញដំរីដែលគេធ្វើបាបរយៈពេល ៥០ឆ្នាំស្រក់ទឹកភ្នែកថ្ងៃដោះលែង

ក្រុមជួយសង្គ្រោះស្រឡាំងកាំងពេលឃើញដំរីដែលគេធ្វើបាបរយៈពេល ៥០ឆ្នាំស្រក់ទឹកភ្នែកថ្ងៃដោះលែង

មិនថា តែមនុស្សទេដែលត្រូវការសេរីភាព សូម្បីសត្វដែលគ្មានវិចារណញ្ញាណក៏ចេះឈឺចាប់ ខ្លោចផ្សានៅពេលពេលត្រូវគេឃុំឃាំងដែរ។ ករណីនេះបានកើតឡើងលើសត្វដំរីមួយក្បាលក្នុងប្រទេសឥណ្ឌាក្នុងរដ្ឋ Uttar Pradesh។

កាលពីថ្ងៃទី ៤ កក្កដា កន្លងទៅ ដែលចំនឹងថ្ងៃឯករាជ្យរបស់សហរដ្ឋអាមេរិក អង្គការមនុស្សធម៌ជួយសត្វព្រៃ Wildlife SOS ដែលមានមូលដ្ឋាននៅឡុងដុងបានចុះជួយដោះលែងដំរីមួយក្បាលឲ្យមានសេរីភាព។ ដំរីឈ្មោះ Raju ដែលក្រុមការងារអង្គការមនុស្សធម៌ខាងលើជួយសង្គ្រោះនោះបានស្រក់ទឹកភ្នែកដោយក្ដីរំភើបពេលទទួលបានសេរីភាព។

article-2682388-1F6E1EA200000578-509_634x523

ទិដ្ឋភាព Raju មុនត្រូវជួយសង្គ្រោះ

អស់រយៈពេល ៥០ ឆ្នាំមកហើយដែលសត្វមាឌយក្សមួយនេះត្រូវគេវាយធ្វើបាប និងដាក់ខ្នោះជើងមិនឲ្យដើរទៅណាមកណាបាន។

Pooja Binepal អ្នកនាំពាក្យរបស់ Wildlife SOS បានរៀបរាប់ថា ការជួយសង្គ្រោះរបស់ក្រុមការងាររបស់នាងគឺជារឿងរ៉ាវដ៏រំជួលចិត្តជាខ្លាំង។ ស្ត្រីដដែលបញ្ជាក់ដូច្នេះ៖ ”ក្រុមការងាររបស់យើងមានភាពស្រឡាំងកាំងជាខ្លាំងនៅពេលឃើញទឹកភ្នែកហូរស្រក់ចុះមកលើមុខរបស់វា ពេលជួយសង្គ្រោះ។ វាពិតជារឿងដ៏រំជួលចិត្តសម្រាប់យើងទាំងអស់គ្នា។ យើងដឹងច្បាស់ណាស់ថា វាដឹងថាវានឹងត្រូវយើងដោះលែងឲ្យមានសេរីភាព”។

ដំរីជាសត្វដ៏ឆ្លាត និងចេះដឹងជាងសត្វដទៃ អីចឹងសាកស្រមៃមើល៍ថា តើវាមានអារម្មណ៍ឈឺចាប់កម្រិតណាដែលត្រូវគេធ្វើទារុណកម្ម និងដាក់ច្រវាក់រយៈពេលកន្លះសតវត្សមកនេះ។ គេមិនបានដឹងពីដើមចមនៃការនាំយក Raju មកចិញ្ចឹមដោយម្ចាស់ដ៏គ្មានមេត្តាទេ តែអ្វីដែលគេអាចស្មានបានគឺវាត្រូវបានគេលួចចាប់ដោយខុសច្បាប់ក្រោយពីសម្លាប់មេរបស់វាយកភ្លុកដោយខុសច្បាប់។

ក្រោយជួយសង្គ្រោះ Raju ត្រូវបានគេដឹកក្នុងចម្ងាយផ្លូវ ៥៦០ គីឡូម៉ែត្រទៅកាន់តំបន់អភិរក្សដ៏មានសុវត្ថិភាពមួយកន្លែង៕

article-2682388-1F6E1EBD00000578-369_634x661