ព្រះសីហនុ៖ សិស្សសាលាមកពី ភ្នំពេញ ឈ្មោះ នួន ណយ អាយុ ១៥ឆ្នាំ ត្រូវបានកំលាំងនគរបាលចាប់ខ្លួន ក្រោយជនសង្សយ័រូបនេះ និងបក្ខពួកជា សិស្សសាលា ដូចគ្នាម្នាក់ទៀត (រត់គេចខ្លួន) ធ្វើសកម្មភាពបន្លំលូកកាបូប លួចយកទូរសព្ទ័ដៃ អាយហ្វូន៦ (iPhone 6) ពីជនរងគ្រោះឈ្មោះ សៀក ស្រីតូច ភេទស្រី អាយុ២៧ឆ្នាំ រស់នៅ បូរីពិភពថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ កាលពីវេលាម៉ោង ជិត១០ព្រឹក ថ្ងៃ៣០ធ្នូនេះ ខណៈពេលដែល ជនរងគ្រោះចូលទិញទំនិញផ្សេងៗ ក្នុងផ្សារលើក្រុងព្រះសីហនុ។

បច្ចុប្បន្ន សមត្ថកិច្ចកំពុង រៀបចំសំណុំរឿង បញ្ជូនទៅ សាលាដំបូងខេត្តព្រះសីហនុ ដើម្បីវិនិច្ឆ័យទោសតាមច្បាប់ ដោយឡែកទូរស័ព្ទដៃជនរងគ្រោះសមត្ថកិច្ច បានប្រគល់ជូនម្ចាស់ដើមវិញហើយ ៕

ផ្តល់សិទ្ធដោយ ដើមអម្ពិល