ភ្នំពេញ ៖ ចោរមួយក្រុមមានគ្នា ៥នាក់ បានធ្វើសកម្មភាពកាប់ប្រហារ ទៅលើជនរងគ្រោះ ៣នាក់ បណ្តាល ឲ្យរងរបួសធ្ងន់ម្នាក់ ប្លន់យកម៉ូតូនិចមួយគ្រឿង បានសម្រេចកាលពីវេលា ម៉ោង ០១៖២០នាទី រំលងអធ្រាត្រ ឈានចូលថ្ងៃទី៧ ខែមករា ឆ្នាំ២០១៦ ត្រង់មុខសាលាវេជ្ជសាស្ត្រ ស្ថិតក្នុងសង្កាត់ទំនប់ទឹក ខណ្ឌចំការមក។

បើតាមសំដីបុរសរងគ្រោះ បានឲ្យដឹងថា ម៉ូតូដែលត្រូវក្រុមចោរកាប់ប្លន់ នេះ ម៉ាកនិច ពណ៌ស ស្លាកលេខ ភ្នំពេញ 1CA-2587 ។ ជនរងគ្រោះបន្តថា មុនកើតហេតុក្រុមខ្លួនមានគ្នា៣នាក់ បានជិះម៉ូតូមួយគ្រឿង ចេញមកពីក្លឹបថប ក្នុងគោលបំណងត្រឡប់ទៅផ្ទះ ដោយជិះតាមផ្លូវ២៧១ លុះជិះមកដល់ចំណុចកើតហេតុ នៅមុខសាលាវេជ្ជ សាស្ត្រ ក៏លេចមុខក្រុមចោរចំនួន ៥នាក់ និងជិះម៉ូតូ២គ្រឿង មិនចាំម៉ាក បានធ្វើការធាក់ម៉ូតូ ឲ្យដួល ហើយបានកាប់ជាច្រើនកាំបិតបណ្តាលឲ្យរងរបួស ហើយពួកក្រុមចោរ បានយកម៉ូតូរបស់ជនរងគ្រោះ ជិះគេចចេញបាត់ដោយសុវត្ថិភាព។

ជនរងគ្រោះដែលរងរបួសមានឈ្មោះ មុំ សាវី ភេទប្រុស អាយុ ២៤ឆ្នាំ មុខរបរនិស្សិត និងស្នាក់នៅក្នុងសង្កាត់ទឹក ថ្លាខណ្ឌសែនសុខ៕

ផ្តល់សិទ្ធដោយ ដើមអម្ពិល