ភ្នំពេញ៖ កាលពីថ្ងៃទី១៨ ខែមករា នៅរោងភាពយន្ត Major Cineplex by Cellcard មានការរៀបចំសន្និសីទសារព័ត៌មាន ស្តីអំពីខ្សែភាពយន្តដ៏ល្បី ដែលមានឈ្មោះថា The Revenant ដែលមានការចូលរួមពីលោក ឆន រង្សី អ្នកគ្រប់គ្រងផ្នែកទីផ្សារ នៅរោងភាពយន្ត Major Cineplex by Cellcard និងលោក នី ដារ៉ាណន់ អ្នកតំណាងឲ្យស្ទូឌីយ៉ូ 20th Century Fox ប្រចាំប្រទេសកម្ពុជា។

The Revenant ខ្សែភាពយន្តផ្អែកលើព្រឹត្តិការណ៍ពិត បង្ហាញអំពីប្លង់ថត ដ៏អស្ចារ្យដោយប្រើពន្លឺ ពីធម្មជាតិ របស់ វាលរហោស្ថាន នារដូវរងានៅឯប្រទេសកាណាដា រួមទាំងបង្ហាញពីជីវិតផ្សងព្រេង នៃការតស៊ូរស់រាន និងអំណាចនៃការតាំងចិត្ត របស់បុរសម្នាក់។ Leonardo Di Caprio ដែលជាតួឯកប្រុស នៅក្នុងរឿង Titanic បានដើរតួជា Hugh Glass ដែលត្រូវបានវាយប្រហារយ៉ាងព្រៃផ្សៃ ពីសត្វខ្លាឃ្មុំ និងត្រូវបានក្រុមរបស់គេ បោះបង់ចោលទៀតផង។ អំឡុងពេលផលិតខ្សែភាពយន្ត The Revenant នេះ ឈុតខ្លះប៊ិះនឹងធ្វើឲ្យ Leonardo បាត់បង់ជីវិតទៀតផង ដោយគាត់ត្រូវត្រាំនៅក្នុងទឹកកក ដល់ទៅរាប់ម៉ោង ថែមទាំងមានការវាយប្រហារ ជាមួយនឹងសត្វខ្លាឃ្មុំដ៏ធំ ប៉ុន្តែការតស៊ូនោះ ក៏ធ្វើឲ្យពួកគេទទួលបានពានរង្វាន់ ដល់ទៅ៣នោះគឺ Best Director, Best Performance by Leonardo និង Best Motion Pictures នៅក្នុងកម្មវិធី Golden Globes មិនទាន់ចប់នោះទេ មានមនុស្សជាច្រើនបាន ជឿជាក់ថារឿងមួយនេះនឹងធ្វើឲ្យ Leonardo ទទួលបានពានរង្វាន់ Oscar 2016 ទៀតផង។

The Revenant នឹងចាក់បញ្ចាំងនៅរោងភាពយន្ត Major Cineplex by Cellcard ទី២១ ខែមករា ឆ្នាំ២០១៦ ខាងមុខនេះ ព្រមទាំងមានការដាក់ លក់សំបុត្រជាមួយប្រភេទ VIP ផងដែរ។ ដូច្នេះសូមកុំភ្លេចមក ទស្សនារឿងនេះ ទាំងអស់គ្នានៅរោងភាពយន្ត Major Cineplex by Cellcard ដែលជារោងភាពយន្តទំនើប និងធំជាងគេនៅ ប្រទេសកម្ពុជា៕

បញ្ចូលអត្ថបទដោយ៖ សុជាតិ

ខ្មែរឡូត