អាមេរិក៖ "ភ្នែកសំលឹងមើលផ្លូវ ដៃកាន់ចង្កូត" គឺជាដំបូន្មានដ៏ល្អ ដែលគួរចងចាំជាប់ក្នុងចិត្តជានិច្ច សម្រាប់រាល់អ្នកបើកបរ ដើម្បីទទួលបាន សុវត្ថិភាពក្នុងពេលធ្វើដំណើរ។

ជាក់ស្តែងកាលពីពេលថ្មីៗនេះ បុរសអ្នកបើកបររថយន្តម្នាក់ឈ្មោះ Clifford Ray Jones អាយុ ៥៨ឆ្នាំ បានបើកបររថយន្តរបស់ខ្លួន ដោយមិនមានការប្រុងប្រយ័ត្ន រហូតបណ្តាលឲ្យជួបគ្រោះថ្នាក់ស្លាប់តែម្តង។ ជនរងគ្រោះបាន ដកដៃចេញពីចង្កូតរថយន្ត ហើយភ្នែកក៏មិនបានសំលឹងមើលផ្លូវ ក៏មិនមែនព្រោះតែ ជាប់រវល់ប្តូរប៉ុស្តិ៍វិទ្យុ រឺងងុយគេងនោះទេ តែក៏ព្រោះរូបគាត់ ជាប់រវល់មើល វីដេអូសិចនៅលើទូរស័ព្ទ ជក់ពេក។

នៅពេលជួបគ្រោះថ្នាក់ ជនរងគ្រោះត្រូវបានផ្លោងចេញ ពីក្នុងរថយន្ត ដោយសារតែគាត់មិនបានពាក់ខ្សែក្រវ៉ាត់សុវត្ថិភាព។ ចំណែកឯសាកសពរបស់គាត់ ក៏ត្រូវបានគេរកឃើញ ដោយគ្មានស្លៀកខោផងដែរ។

ប៉ូលិសរដ្ឋ Michigan លោក Lieutenant Mike Shaw បានប្រាប់ទៅដល់អ្នកសារព័ត៌មានឲ្យដឹងថា នេះជាគ្រោះថ្នាក់លើកទីមួយហើយ ដែលកើតឡើងដោយសារតែរឿងដូចនេះ ដែលពីមុនរូបគាត់មិនដែលជួបប្រទះនឹងករណីគ្រោះថ្នាក់ប្រភេទនេះនោះទេ៕

ប្រភព Metro

ដោយ ជីវ័ន្ត

ខ្មែរឡូត