ភ្នំពេញ៖ ក្រុមហ៊ុនសាមសុងបានចាប់ផ្តើមបិទ sticker “Cambodia Privilege” នៅគ្រប់ផលិតអេឡិចត្រូនិច សាមសុង (Samsung Consumer Electronics) ដូចជា ម៉ាស៊ីនត្រជាក់ ទូរទស្ស ទូទឹកកក ម៉ាស៊ីនបោកសម្លៀកបំពាក់ និងផលិតផល អេឡិចត្រូនិចដទៃទៀត ដែលមាននៅក្នុងទីផ្សារកម្ពុជា ងនៅសប្តាហ៍នេះ ដើម្បីធានាថា គ្រប់អតិថិជន ដែលជាវផលិត ផលអេឡិចត្រូនិច របស់សាមសុង ទទួលបាននូវ ផលិតផលពិត របស់ក្រុមហ៊ុន និងជៀសវាងការខាត់ បង់ប្រយោជន៍ផ្សេងៗ។

អតិថិជន​ទាំងអស់ដែលជាវ សម្ភារៈអេឡិចត្រូនិចប្រើប្រាស់ក្នុងគេហដ្ឋានរបស់សាមសុង​អាចសួររក ផលិតផលដែលមាន បិទសញ្ញា“Cambodia Privilege”​​​ ប័នធានាជាភាសាខ្មែរ សញ្ញា “1 YEAR Official Warranty”​​ និងសញ្ញាតែមប្រិយ៍ពន្ធគយ​។  ក្នុងករណីដែលផលិតផលអេឡិចត្រូនិច ប្រើប្រាស់ ក្នុងគេហដ្ឋានរបស់ សាមសុង​ ពុំមានបិទគ្រប់សញ្ញាទាំងបីខាងលើ ឬមានតែសញ្ញាណាមួយ ក្នុងចំណោមសញ្ញាទាំងបី ខាងលើនោះបញ្ជាក់ថាផលិតផលនេាះ ជាផលិតផលមិនស្របច្បាប់ ឬជា ផលិតផលក្លែងក្លាយ​។

អត្ថប្រយោជន៍នានាដែលអតិថិជន នឹងទទួលបានពីការជាវផលិតផលអេឡិចត្រូនិចសាមសុងសម្រាប់ ប្រើក្នុងគេហដ្ឋាន ដែលនាំចូលស្រប ច្បាប់រួមមានដូចជា៖

1. ទទួលបាននូវការធានាពេញមួយឆ្នាំពីក្រុមហ៊ុនសាមសុងលើការជួសជុលនិងថែរក្សាពី មជ្ឈមណ្ឌលសេវាកម្មរបស់សាមសុងដែលមានអ្នកជំនាញជាច្រើននាក់
2. ទទួលបានផលិតផលគុណភាពខ្ពស់ដែលត្រូវបានផលិតឡើងតាមប្រព័ន្ធភ្លើង និងកត្តាអាកាសធាតុនៃប្រទេសកម្ពុជា និងគុណភាពជាលក្ខណ:អន្តរជាតិ
3. ទទួលបានអត្ថប្រយោជន៍ពេលមាន កម្មវិធីផ្តល់ជូនផ្សេងៗពី ក្រុមហ៊ុនសាមសុង

រាល់់ការជាវផលិតផលអេឡិចត្រូនិចសាមសុងដែលស្របច្បាប់មានន័យលោកអ្នកកំពុងតែ ជួយរាជ រដ្ឋាភិបាលកម្ពុជា ក្នុងការទប់ស្កាត់នូវ ផលិតផលដែលនាំចូល គេចពន្ធនានា ដើម្បីធានាបាននូវតម្លាភាពនៃ ការប្រកួតប្រជែងស្របច្បាប់ និងទទួលបាន ចំណូលពីការបង់ពន្ធ សម្រាប់ថវិកាជាតិ​   ក៏ដូចជាគាំទ្រនូវ ផលិតផលដែលនាំចូលស្របច្បាប់ដើម្បីចូលរួមបំពេញ កាតព្វកិច្ចជាពលរដ្ឋល្អ និងដើម្បីការរីកចំរើនដល់ ប្រទេសកម្ពុជាទាំងអស់គ្នា។

អំពីក្រុមហ៊ុន Samsung Electronics co., Ltd

គឺជាក្រុមហ៊ុននាំមុខគេលើពិភពលោកផ្នែកបច្ចេកវិទ្យាដោយផ្តល់លទ្ធភាពថ្មីៗជូនមនុស្សគ្រប់រូប គ្រប់ ទីកន្លែង។ តាមរយៈ ការបង្កើតថ្មី និងរបកគំហើញឥតឈប់ឈរ យើងកំពុងតែផ្លាស់ប្តូរឲ្យកាន់តែប្រសើរ​ឡើង​នូវពិភពទូរទស្សន៍ ស្មាតហ្វូន កុំព្យូទ័រផ្ទាល់ខ្លួន កុំព្យូទ័រលើតុ ម៉ាស៊ីនថតរូប ឧបករណ៍ផ្ទះបាយ ម៉ាស៊ីនថតចម្លង ប្រព័ន្ធ LTE ឧបករណ៍វេជ្ជសាស្ត្រ ឧបករណ៍ផ្សេងៗដែលប្រើប្រព័ន្ធអគ្គិសនី និងដំណោះ​ស្រាយ ផ្សេងៗប្រើប្រព័ន្ធ LED។ យើងកំពុងតែនាំគេផ្នែកអុីនធឺណែត (Internet of Things) ដែលមានឧបករណ៍វៃឆ្លាត ជាច្រើន និងមានការសហការ យ៉ាងល្អនិងសកម្មនៅក្នុងឧស្សាហកម្មផ្សេងៗ។   យើងមានបុគ្គលិកចំនួន 319.000 នាក់ នៅទូទំាង 84 ប្រទេស ដោយ​មាន​បរិមាណលក់ប្រចាំឆ្នាំ ចំនួន 196 ពាន់លានដុល្លារអាមេរិក។

ដើម្បីស្វែងរកព័ត៌មានបន្ថែមនិងទទួលបានព័ត៌មានថ្មីៗ អត្ថបទ និងឯកសារផ្សេងៗ សូមមើលគេហទំព័រ news.samsung.com។

ខ្មែរឡូត