ចិន៖ តារាចម្រៀងស្រីចិន ល្បីឈ្មោះម្នាក់ បានទទួលភាពអាម៉ាស់ យ៉ាងខ្លាំង ក្រោយឡើងច្រៀងចាក់ឌីស ហើយគ្រាន់តែ ធ្វើមាត់តាមម្ហបៗ និងកាន់ក្បាលមេក្រូបញ្ច្រាស់ ដោយចៃដន្យ ក្នុងអំឡុងការប្រគុំតន្រ្តីមួយ។

យោងតាមប្រភពព័ត៌មាន បានឲ្យដឹងថា តារាចម្រៀងផប និងជាអ្នកនិពន្ធ មកពីតំបន់ម៉ុងហ្គោលី នាង Sa Dingding វ័យ៣២ឆ្នាំ បានសម្តែង ក្នុងការប្រគុំតន្រ្តីមួយ នៅឯស្ថានីយ៍ទូរទស្សន៍ CCTV 15 ក្នុងពិធីបុណ្យ «Lantern Festival Gala» ហើយក៏បានទទួលរងនូវភាពអាម៉ាស ក្រោយឡើងច្រៀងចាក់ឌីស និងកាន់ក្បាលមេក្រូបញ្ច្រាស់។

ទោះបីជាយ៉ាងណាក៏ដោយ នាង Dingding បានត្រលប់ក្បាលមេក្រូវិញ ក្រោយដឹងថា ខ្លួនកាន់ក្បាលមេក្រូបញ្ច្រាស់។

គួរបញ្ជាក់ផងដែរថា ប្រទេសចិន បានណែនាំ ស្តីពីការហាមឃាត់ ការច្រៀងចាក់ឌីស ហើយធ្វើមាត់តាមម្ហបៗ បន្ទាប់ពីមានភាពចម្រូងចម្រាស់ នៅក្នុងពិធីបើកការប្រកួត កីឡាអូឡាំពិក «Beijing Olympic Games» ដោយសន្យាថា នឹងមានការផាកពិន័យ ចំពោះនរណាម្នាក់ ដែលល្មើសនឹងការហាមឃាត់នេះទៀតផង៕

នាង Sa Dingding 

ប្រភព ៖ បរទេស

ខ្មែរឡូត