ក្តៅយ៉ាងនេះ សូម្បីតែដំរី ក៏មិនអាចទ្រាំបានដែរ

ក្តៅយ៉ាងនេះ សូម្បីតែដំរី ក៏មិនអាចទ្រាំបានដែរ

ខេត្តសៀមរាប ៖ ដោយសារតែអាកាសធាតុក្តៅខ្លាំងពេក ដំរី១ក្បាលបានគាំងបេះដូងងាប់ភ្លាមៗនៅមុខប្រាសាទបាក់ខែងកាលពីវេលាម៉ោងប្រមាណ១ថ្ងៃត្រង់ ថ្ងៃទី២២ ខែមេសា ឆ្នាំ២០១៦ បន្ទាប់ពីដឹកភ្ញៀវទេសចររួច ដែលហេតុការណ៍នេះបង្កឲ្យមានការភ្ញាក់ផ្អើល និងមានការអាណិតអាសូរជាពន់ពេកពីសំណាក់ម្ចាស់ដំរី ព្រមទាំងអ្នកភូមិ ក៏ដូចជាភ្ញៀវទេសចរទាំងអស់ដែលបានឃើញហេតុការណ៍នេះ ។

បើតាមអ្នកឆ្លើយឆ្លងព័ត៌មាន «កោះសន្តិភាព» បានឲ្យដឹងថា នៅម៉ោង៤ និង៣០នាទីរសៀលថ្ងៃទី២២មេសា សត្វដំរីដែលងាប់ដោយសារធាតុអាកាសក្តៅនោះត្រូវបានកប់នៅក្រោយកសិដ្ឋានប៉ែកខាងជើងប្រាសាទបាក់ខែង ចម្ងាយប្រមាណ៥០ម៉ែត្រ ។ សេចក្តីរាយការណ៍បានបន្តថា ក្រោយពិធីកប់រួចម្ចាស់ដំរី និងអ្នកភូមិក៏ធ្វើពិធីសូត្រមន្តតាមបែបសាសនាផងដែរ ។

លោក ព្រុំ វិច ប្រធានមន្ទីរបសុព្យាបាលខេត្តសៀមរាប បានឲ្យដឹងថា សត្វដំរីដែលងាប់នៅមុខប្រាសាទបាក់ខែងដោយសារអាកាសធាតុក្តៅគាំងបេះដូងនោះមានអាយុជាង៦០ឆ្នាំ ៕

រូបភាព៖ ក្តៅយ៉ាងនេះ សូម្បីតែដំរី ក៏មិនអាចទ្រាំបានដែរ

ប្រភព ៖ កោះសន្តិភាព

កំណត់ហេតុខ្មែរឡូត

គួរបញ្ជាក់ផងដែរថា សត្វដំរី គឺជាប្រភេទសត្វ ដែលស្លូតបូត និងចិត្តល្អ។ ដូចជាកាលពីពេលថ្មីៗ កន្លងទៅនេះ សកម្មភាពដ៏កម្រប្រទះមួយ បានបង្ហាញឲ្យឃើញ ពីសេចក្តី ស្រលាញ់ដ៏គួរ ឲ្យស្ងប់ស្ងែង របស់មេដំរី មួយក្បាល ជំនះគ្រប់ឧបសគ្គ ដោយ ចំណាយពេល រហូតដល់ ១១ម៉ោង ដើម្បីជួយទាញ កូនរបស់ចេញឲ្យ រួចផុតចេញពី ក្នុងអណ្តូងភក់ មួយកន្លែង ។

ប្រភពព័ត៌មាន បានឲ្យដឹងថា មេដំរីព្រៃ មួយក្បាលនេះ បាន ចំណាយពេលតាំងពី ម៉ោង ៩ ល្ងាច រហូតដល់ ៨ព្រឹក ដើម្បី ជួយកូនរបស់វា ដែល បានធ្លាក់ ចូលក្នុងអណ្តូង តែទោះជា មេដំរី ខំប្រឹង ជួយយ៉ាងណា នៅតែមិនអាច ជួយសង្គ្រោះបាន ដែលហេតុការណ៍នេះ កើតឡើង នៅ ក្នុងស្រុកចាន់ត្រា ក្នុង ប្រទេសឥណ្ឌា។

ក្រោយមក បើតាមសំដីលោក Jitendra ដែលជាជាអ្នក ថតវីដេអូឃ្លីប ពីសកម្មភាពនេះ បាន និយាយថា ប្រជាជនដែល បាន ឃើញហេតុការណ៍ ក៏ នាំគ្នា ចូលមក ជួយសង្គ្រោះ កូនដំរី ដោយព្យាយាម បញ្ឆោតឲ្យ មេដំរីចេញពី មាត់ អណ្តូង ហើយ អ្នកស្រុក ក៏បានចូលមកជួួយជីកដី ដើម្បីឲ្យមេដំរីនេះ អាចជួយសង្គ្រោះ កូនដំរីបាន សម្រេច ។

ជាចុងក្រោយ មេដំរី និង កូនដំរី បានជួបជុំគ្នាវាវិញ ហើយ អ្នកស្រុក ក៏អនុញ្ញាតឲ្យ ពួកវាបន្តដំណើរ ចូល ក្នុងព្រៃវិញ ដោយសុខសាន្ត ។

រូបភាព៖ មេដំរី មួយក្បាល ចំណាយពេល ១១ម៉ោង ទាញកូនរបស់វា ចេញពីក្នុងអណ្តូងភក់

រីឯនៅប្រទេសថៃ ឯណោះវិញ ក្រុមអ្នកទេសចរ ផ្អើលនាំគ្នាទៅ ឲ្យសត្វដំរី ឡើងជាន់ ជាការម៉ាស្សា ដើម្បីរំសាយ អារម្មណ៍ នឿយហត់។

ការម៉ាស្សា ដោយការឡើងជាន់ ពីសត្វដំរី ទម្ងន់ជាង ៣តោន មិនមែនជារឿងលេងសើច ដែលមនុស្សគ្រប់គ្នា នឹកឃើញ ចង់សាកល្បង ដើម្បីរំសាយការនឿយហត់នោះទេ ក៏ប៉ុន្តែ មានភ្ញៀវទេសចរ ជាច្រើន បានទៅ ជំរុំព្រៃ ក្នុងប្រទេសថៃ ដើម្បីទទួលយក ការម៉ាស្សា បែបនោះ។

ការម៉ាស្សាដ៏ចំលែកនេះ ត្រូវបានគេបង្កើតឡើង នៅក្នុងខេត្តឈៀងម៉ៃ ដែលទីនោះ មានពូជដំរីអាស៊ី មួយចំនួន ទង្ងន់ចន្លោះពី ២ ទៅ ៥តោន កន្លះ ផ្តល់សេវា ម៉ាស្សា ដល់អ្នកទេសចរ ដោយប្រើ ប្រម៉ោយ និង ជើងរបស់វា។ ទោះជាយ៉ាងណាក៏ដោយ ការម៉ាស្សា ដោយដំរីនេះ មិនអនុញ្ញាតិឲ្យអ្នកដែល មានស្មារតី ខ្លាចញញើត សាកល្បងនោះទេ ព្រោះបើសិនជាពួកគេ កម្រើកចុះឡើង អាចប្រឈមមុខ នឹងការស្លាប់ ដោយសារ ដំរីជាន់។

អ្នកទេសចរ ឈ្មោះ Ian Maclean មកពីកោះហាវ៉ៃ ប្រទេសអាមេរិក ដែលកំពុង ថតភ្ញៀវទេសចរ ស្រីប្រុស ២នាក់ទៀត កំពុងក្រាប ឲ្យដំរីម៉ាស្សា បានប្រាប់ថា៖ “កំឡុងដំណើរទេសចរ ជុំវិញទ្វីបអាស៊ី ខ្ញុំបានឃើញ ការម៉ាស្សាដោយសត្វ ផ្សេងៗ រួមមានទាំង ការម៉ាស្សា ដោយសត្វពស់ថ្លាន់ នៅមីយ៉ាន់ម៉ាផងដែរ”។

“នៅប្រទេសថៃ ម្ចាស់សួនសត្វ មានភាពវៃឆ្លាត ដោយពួកគេ រកនឹកឃើញ ពីវិធីដែលអាចរក ប្រាក់បន្ថែម។ ប៉ុន្តែវាមើលទៅ ហាក់ដូចជាគ្រោះថា្នក់បន្តិច នៅពេលដែល សត្វដំរីឡើង ជាន់លើ ជើង របស់ភ្ញៀវទេសចរ។ អ្នកអាចស្រមៃថា តើមានអ្វី អាចកើតឡើង ហើយអ្នកដែលត្រូវដំរី ជាន់ឈឺខ្លាំងប៉ុណ្ណា!”៕

រូបភាព៖ ក្រុមអ្នកទេសចរ ផ្អើលនាំគ្នាទៅ ឲ្យសត្វដំរី ឡើងជាន់ ជាការម៉ាស្សា ដើម្បីរំសាយ អារម្មណ៍ នឿយហត់