ឆក់កាបូប ប៉ះភេទទី៣ ត្រូវស្វាគមន៍ ដោយប្រជាពលរដ្ឋ យ៉ាងចាស់ដៃ (មានវីដេអូ)

ឆក់កាបូប ប៉ះភេទទី៣ ត្រូវស្វាគមន៍ ដោយប្រជាពលរដ្ឋ យ៉ាងចាស់ដៃ (មានវីដេអូ)

រាជធានីភ្នំពេញ ៖ ជនសង្ស័យពីរនាក់ត្រូវបានឃាត់ខ្លួនពេលរូបគេធ្វើសកម្មភាពឆក់កាបូបបានសម្រេច តែត្រូវបានម្ចាស់ដេញតាមទាន់ ។

ហេតុការណ៍នេះបានកើតឡើងកាលពីវេលាម៉ោង ៧យប់ថ្ងៃទី ២២ខែមេសា ឆ្នាំ២០១៥ ត្រង់ចំណុចភូមិត្រពាំងឈូក សង្កាត់ទឹកថ្លា ខណ្ឌសែនសុខ ជនរងគ្រោះមានឈ្មោះ យឹម ស្រីពៅ ភេទទីបី អាយុ២៤ឆ្នាំ មុខរបរធ្វើការក្នុងភោជនីយដ្ឋាន ស្នាក់នៅផ្ទះជួលលេខ១៩៩ ភូមិត្រពាំងឈូក សង្កាត់ទឹកថ្លា ខណ្ឌសែនសុខ ដែលមានស្រុកកំណើតក្នុងភូមិ កាតុ២ ឃុំមោង ស្រុកមោងឫស្សី ខេត្តបាត់ដំបង ជិះម៉ូតូម៉ាកអាយខនពណ៌ក្រហមលាយស ពាក់ស្លាកលេខភ្នំពេញ 1U- 9043 ។

រូបភាព៖ ឆក់កាបូប ប៉ះភេទទី៣ ត្រូវស្វាគមន៍ ដោយប្រជាពលរដ្ឋ យ៉ាងចាស់ដៃ

ចំណែកជនសង្ស័ឈ្មោះ ហេង សុខហៃ អាយុ១៦ឆ្នាំ មុខរបរមិនពិតប្រាកដ ស្នាក់នៅក្នុងភូមិទ្រុង សង្កាត់ក្រាំងធ្នង់ ខណ្ឌសែនសុខ ម្នាក់ទៀតមានឈ្មោះ មួន រតនៈ អាយុ១៨ឆ្នាំ មុខរបរមិនពិតប្រាកដ ស្នាក់នៅក្នុងភូមិជាមួយគ្នា ជិះម៉ូតូម៉ាកស្កូពី ពណ៌ស ពាក់ស្លាកលេខភ្នំពេញ 1AR- 8409 តាមប្រភពព័ត៌មានពីសំណាក់ជនរងគ្រោះបានឲ្យដឹងថា មុនពេលកើតហេតុរូបគាត់ទើបតែចេញពីហាងអ៊ុតសក់នៅជិតផ្ទះដើម្បីទៅចូលរួមពិធីខួបកំណើតមិត្តភក្ដិ ពេលដែលជនរងគ្រោះបានជិះម៉ូតូចេញពីកន្លែងធ្វើសក់បានបន្តិច ស្រាប់តែមានជនសង្ស័យខាងលើបានជិះម៉ូតូមកពីក្រោយហើយបានធ្វើសកម្មភាពឆក់កាបូបដែលជនរងគ្រោះស្ពាយចំហៀងបានសម្រេច ។

តែភ្លាមៗនោះជនរងគ្រោះមានស្មារតីរឹងមាំក៍បានជិះម៉ូតូដេញតាមពីក្រោយហើយបានបុកម៉ូតូជនសង្ស័យជាចោរឆក់នោះបណ្ដាលឲ្យដួលទាំងជនរងគ្រោះ និងជនសង្ស័យទាំងពីរនាក់ ដែលបណ្ដាលឲ្យជនសង្ស័យជាចោរឆក់ម្នាក់ក្នុងចំណោមពីរនាក់រងរបួសបែកមុខ បែកមាត់ ចេញឈាមពេញមុខហើយក៍ត្រូវបានចាប់ខ្លួនបានភ្លាមៗ រួមទាំងបានទទួលស្វាគមន៍ពីសំណាក់ប្រជាពលរដ្ឋម្ដុំនោះម្នាក់មួយដៃមួយជើង ក្រោយពេលកើតហេតុជនសង្ស័យទាំងពីរនាក់ត្រូវបានបញ្ជូនខ្លួនទៅកាន់ប៉ុស្ដិ៍នគរបាលរដ្ឋបាលទឹកថ្លាដើម្បីកសាងសំណុំរឿងបញ្ជូនទៅតុលាការដើម្បីដោះស្រាយតាមនីតិវិធី ៕

រូបភាព៖ ឆក់កាបូប ប៉ះភេទទី៣ ត្រូវស្វាគមន៍ ដោយប្រជាពលរដ្ឋ យ៉ាងចាស់ដៃ

ប្រភព ៖ កោះសន្តិភាព

វីដេអូពីហ្វេសប៊ុក៖

កំណត់ហេតុខ្មែរឡូត

យ៉ាងណាមិញ ហេតុការណ៍ឆក់កាបូប មិនបានសម្រេចបែបនេះ ធ្លាប់បានកើតឡើង ជាច្រើនករណីមកហើយ ដូចជាកាលពីថ្ងៃទី២៧ ខែតុលា ឆ្នាំ២០១៥ វេលាម៉ោងប្រហែល ១៧និង៤០នាទី ស្ថិតនៅភូមិត្រពាំងចក សង្កាត់ព្រៃវែង ខណ្ឌដង្កោ រាជធានីភ្នំពេញ កម្លាំងសមត្ថកិច្ច អធិការដ្ឋាន នគរបាលខណ្ឌដង្កោ បានបង្ក្រាប ជនសង្ស័យម្នាក់ ក្នុងចំណោមបក្ខពួកពីរនាក់ ក្នុងករណីឆក់កាបូប ពីនារីម្នាក់មិនបានសម្រេច។

ជនសង្ស័យដែលឃាត់ខ្លួន បានម្នាក់ ក្នុងចំណោមគ្នា២នាក់ នោះមានទី០១ឈ្មោះ កែវ វុទ្ធី ភេទប្រុស អាយុ២២ឆ្នាំ មុខរបរ មិនពិតប្រាកដ ស្នាក់នៅផ្ទះជួល ភូមិដើមចាន់ សង្កាត់ច្បារអំពៅ ខណ្ឌច្បារអំពៅ រាជធានីភ្នំពេញ (ជនសង្ស័យដែលបង្ក្រាបបាន) និងទី០២ឈ្មោះ វុធ ភេទប្រុស អាយុ២៣ឆ្នាំ មុខរបរ មិនពិតប្រាកដ ស្នាក់នៅម្តុំ ស្តុបចំការមន សង្កាត់ទន្លេបាសាក់ ខណ្ឌចំការមន រាជធានីភ្នំពេញ (គេចខ្លួនបាត់ស្រមោល)។

រីឯវត្ថុតាង ដែលដកហូតបានរួមមាន៖ ម៉ូតូ០១គ្រឿង ម៉ាកសេ១២៥ ពណ៌ខ្មៅ ពាក់ស្លាកលេខ កំពង់ចាម1C-5458 (របស់ជនសង្ស័យ)។

ប្រភពព័ត៌មានពី សមត្ថកិច្ចបានប្រាប់ឲ្យដឹងថា កាលពីថ្ងៃទី២៧ ខែតុលា ឆ្នាំ២០១៥ វេលាម៉ោងប្រហែល ១៧និង៤០នាទី ជនរងគ្រោះភេទស្រី បានជិះម៉ូតូមាកហ្វីណូ ពណ៌សតែម្នាក់ ឯងមានស្ពាយកាបូប នៅស្មាខាងឆ្វេង ជិះទិសដៅពីជើងទៅត្បូង តាមផ្លូវព្រៃស ស្រាប់តែមានជនសង្ស័យ ចំនួន០២នាក់ ដែលរៀបរាប់ភិនភាគ ដូចខាងលើ បានធ្វើសកម្មភាពឆក់កាបូប ស្ពាយរបស់ជនរងគ្រោះ បណ្តាលឲ្យដួលម៉ូតូ តែឆក់ពុំបាន សម្រេចទេ ភ្លាមនោះ មានអ្នកដំណើរតាមផ្លូវនោះបាន ឃើញក៏ទៅរាយការណ៍ ប្រាប់សមត្ថកិច្ច ដែលកំពុងល្បាតក្បែរនោះ ជួយអន្តរាគមន៍ឃាត់ខ្លួន បានជនសង្ស័យ០១នាក់ឈ្មោះ កែវ វុទ្ធី និងម៉ូតូដែធ្វើសកម្មភាព ឆក់កាបូប យកមកអធិការដ្ឋាន នគរបាលខណ្ឌដង្កោ ដើម្បីផ្ដន្ទាទោសតាមផ្លូវច្បាប់។

ដោយឡែក ជនសង្ស័យម្នាក់ទៀត បានរត់គេចខ្លួលបាត់ស្រមោល រីឯចំពោះជនរងគ្រោះ ក្រោយពេលកើតហេតុភ្លាម បានលើកម៉ូតូជិះទៅ បាត់ដោយមិនបានដាក់ ពាក់បណ្ដឹងនោះទេ។

រូបភាព៖ ជនសង្ស័យពីរនាក់ ជិះម៉ូតូធ្វើសកម្មភាព ឆក់កាបូបពីស្រី្តម្នាក់ មិនបានសម្រេច ត្រូវនគរបាល ខណ្ឌដង្កោ ឃាត់ខ្លួនបានម្នាក់

ជាមួយគ្នានេះដែរ កាលពីថ្ងៃទី២៨ ខែកញ្ញា ឆ្នាំ២០១៥ វេលាម៉ោង១៧ និង១០នាទី កម្លាំងល្បាត នគរបាលប៉ុស្តិ៍ បឹងកក់ទី១ និងប៉ុស្តិ៍ បឹងកក់ទី២ បានសហការគ្នា ធ្វើការបង្រ្កាបករណី ឆក់កាបូបលុយនៅចំណុចដង ផ្លូវលេខ៥៦៦ របងមន្ទីរពេទ្យប៉ាស្ទ័រ សង្កាត់បឹងកក់ទី២។

ប្រតិបត្តិការខាងលើ កម្លាំងសមត្ថកិច្ចបានធ្វើការឃាត់ខ្លួនជន សង្ស័យម្នាក់ ឈ្មោះ ណាំ សុវណ្ណ ហៅបញ្ញា ភេទប្រុសអាយុ២៤ឆ្នាំ ស្នាក់នៅផ្ទះលេខ ៥៤E ផ្លូវលេខ៦១២ សង្កាត់បឹងកក់ទី២ និងបានរឹបអូសយក ម៉ូតូ០១គ្រឿង ម៉ាកណូវ៉ូ ពណ៌ខ្មៅ ពាក់ស្លាក លេខ1CV-1325។

ចំណែកជនរងគ្រោះ ឈ្មោះ ទឹង ស្រីធាន ភេទស្រី អាយុ១៩ឆ្នាំ មុខរបរបុគ្គលិក ក្លឹបហាត់ប្រាណដឺផ្លេស ។

តាមប្រភពព័ត៌មានបានឲ្យដឹងថា មុនពេលកើតហេតុ ជនរងគ្រោះបានដើរចេញពីផ្ទះ នៅម្តុំផ្សារ ទួលគោក តាមបណ្តោយ ផ្លូវលេខ៥៦៦ របងពេទ្យប៉ាស្ទ័រ ក្នុងគោលបំណង ទៅធ្វើការ តែត្រូវបានជនល្មើសចំនួន២នាក់ជិះម៉ូតូ ០១គ្រឿង មកពីក្រោយ ឆក់យកកាបូបលុយ រួចរត់គេច តែបានទៅបុក អ្នកដំណើរដួល ក៏ត្រូវបានកម្លាំង ដេញតាមចាប់បាន ជាក់ស្តែង ចំណែកបក្ខពួក ម្នាក់ទៀតបានរត់គេចខ្លួនបាត់។

បច្ចុប្បន្នជនសង្ស័យខាងលើកំពុងឃុំខ្លួនដើម្បី កសាងសំណុំរឿងបញ្ជូន ទៅសាលាដំបូងរាជធានីភ្នំពេញដើម្បី ចាត់ការតាមផ្លូវច្បាប់៕

រូបភាព៖ សមត្ថកិច្ច ឃាត់ខ្លួនចោរ ឆក់កាបូបម្នាក់ ក្រោយធ្វើ សកម្មភាពឆក់ មិនបានសម្រេច