ភ្នំពេញ៖ ល្ងាចមិញនេះ ពិធីបូជាសពរបស់ពិធីករល្បីឈ្មោះលោក អ៊ិត សេដ្ឋា បានបញ្ចប់ទៅក្រោមទំនួញទួញសោកស្តាយយ៉ាងខ្លាំង ពីសំណាក់ក្រុមគ្រួសារ និងមិត្តសិល្បៈ ជាច្រើនរូបផ្សេងទៀត។

បន្ទាប់ពីពិធីបូជាសពបានបញ្ចប់ទៅ យោងតាមហ្វេសប៊ុករបស់លោក សុវណ្ណ រិទ្ធី ហៅលោកតា វិចទ័រ ដែលជាប្រធានក្រុមកំប្លែងនាយពែកមី បានឱ្យដឹងថារាល់ការចំណាយនៅក្នុងការរៀបចំចាត់ចែងធ្វើពិធីបុណ្យសពរបស់លោក អ៊ិត សេដ្ឋា ទាំងមូល គឺលោកឧកញ៉ា គិត ម៉េង ជាអ្នកទទួលរ៉ាប់រងទាំងអស់។

ខាងក្រោមនេះ គឺជាការរៀបរាប់របស់លោក សុវណ្ណ រិទ្ធី ហៅលោកតា វិចទ័រ នៅក្នុងហ្វេសប៊ុករបស់លោកផ្ទាល់កាលពីល្ងាចម្សិលមិញ៖

«បងប្អូនទាំងអស់គ្នាសូមជ្រាប..រាល់ការចំណាយក្នុងពិធីបុណ្យសពបង សេដ្ឋា គឺអ្នកឧកញ៉ាគិតម៉េង ដែលជាម្ចាស់របស់ CTN ជាអ្នករ៉ាប់រងទាំងអស់។ សូមបងប្អូនជួយ Shareផង ដើម្បីអោយបងប្អូនដឹងពីសន្តានចិត្តដ៏ល្អរបស់អ្នកឧកញ៉ាចំពោះកូនចៅ សូមអគុណ!!!។»

ទឹកចិត្តដ៏ប្រសើរនៅក្នុងការជួយគ្នាទៅវិញទៅមក ពេលមានទុក្ខលំបាកនេះ លោកឧកញ៉ា គិត ម៉េង ក៏បានទទួលការកោតសរសើរយ៉ាងខ្លាំង ផងដែរ៕

ទស្សនាកម្រងរូបភាពខាងក្រោម៖ 

• អុិត សេដ្ឋា