ថៃ៖ តារាសម្តែងប្រុស Sornram ជាតារាមួយដួង ដែលនៅតែមានប្រជាប្រិយភាពជានិច្ចនៅក្នុងដួងចិត្តរបស់អ្នកគាំទ្របានយូរឆ្នាំ និងមិនចាញ់អ្នកសិល្បៈរួមជំនាន់របស់លោកនោះទេ។ ប៉ុន្តែបើក្រឡេកមកមើលពីជីវិតប្រចាំថ្ងៃរបស់តារាប្រុសរូបនេះវិញគឺពិតជាសាមញ្ញ និងធម្មតាខ្លាំងណាស់ មិនហាយសូរ ឬទាន់សម័យដូចតារាផ្សេងៗឡើយ។ 

ជាក់ស្តែង ជារៀងរាល់ថ្ងៃគេតែងឃើញលោក Sornram ទិញចំណីអាហារញ៉ាំតាមផ្លូវ ញ៉ាំអាហារតាមវាលស្រែ ញ៉ាំអាហារនៅលើកាំជណ្តើរ ចូលញ៉ាំអាហារតាមហាងអាហារតូចៗ ដោយមិនប្រកាន់ខ្លួនជាតារាល្បីល្បាញអ្វីនោះទេ។

មិនតែប៉ុណ្ណោះ លោកក៏ជាមនុស្សម្នាក់ ដែលមានចិត្តសប្បុរសចូលចិត្តជួយអ្នកដទៃ និងមានសទ្ធាជ្រះថ្លាក្រោកមកដាក់បាត្រលោកតាំងពីព្រឹកព្រលឹមផងដែរ។

ចំណុចទាំងអស់នេះហើយ ដែលបានធ្វើឱ្យគេចាប់អារម្មណ៍ និងនៅតែចូលចិត្តលោក Sornram ដដែល ទោះបីជាបច្ចុប្បន្ននេះលោកមិនបានលេងរឿង ឬថតឃោសនាអ្វីច្រើនដូចកាលពីមុនក៏ដោយ។

គួរឱ្យដឹងផងដែរថា ពេលនេះលោក Sornram ក៏ត្រៀមនឹងក្លាយទៅជាឪពុករបស់គេផងដែរ ក្រោយពេលចុះអេតាស៊ីវិលស្របច្បាប់ជាមួយនឹងភរិយាកាលពីថ្ងៃទី ២១ ខែកញ្ញា កន្លងទៅនេះ៕

ទស្សនារូបភាពខាងក្រោមដោយមេត្រី៖