Zilingo មានបំណងប្រើប្រព័ន្ធឌីជីថលតាមរោងចក្រកម្ពុជា ក្នុងកិច្ចសហប្រតិបត្តិការជាមួយនឹងសមាគមរោងចក្រកាត់ដេរនៅកម្ពុជា (GMAC)

Zilingo មានបំណងប្រើប្រព័ន្ធឌីជីថលតាមរោងចក្រកម្ពុជា ក្នុងកិច្ចសហប្រតិបត្តិការជាមួយនឹងសមាគមរោងចក្រកាត់ដេរនៅកម្ពុជា (GMAC)

ភ្នំពេញ៖ ផ្លាតហ្វមបច្ចេកវិទ្យាសម្លៀកបំពាក់ជាសកល Zilingo បានបញ្ចប់សន្និសីទមួយយ៉ាងជោគជ័យក្នុងកិច្ចសហប្រតិបត្តិការជាមួយនឹងសមាគមរោងចក្រកាត់ដេរនៅកម្ពុជា (GMAC) និងវិទ្យាស្ថានបណ្តុះបណ្តាលវិស័យកាត់ដេរនៅកម្ពុជា (CGTI) នៅឯទីស្នាក់ការកណ្តាលរបស់ GMAC ស្ថិតក្នុងតំបន់សេដ្ឋកិច្ចពិសេសរាជធានីភ្នំពេញ។ ក្នុងសន្និសីទនេះ Zilingo បានធ្វើបទបង្ហាញពីការប្រើប្រាស់កម្មវិធីឌីជីថលកម្មសិទ្ធិផលិតកម្ម ដែលនឹងជួយឲ្យរោងចក្រកាត់ដេររបស់កម្ពុជា បង្កើនប្រសិទ្ធិភាព និងកាត់បន្ថយភាពខ្វះចន្លោះផ្សេងៗ។

សន្និសីទក្នុងកិច្ចសហប្រតិបត្តិការជាមួយនឹងសមាគមរោងចក្រកាត់ដេរនៅកម្ពុជា (GMAC)

លោក Sid Narayanan ប្រធានកម្មវិធីឌីជីថលតាមរោងចក្ររបស់ទីផ្សារសម្លៀកបំពាក់អនឡាញ Zilingo បាននិយាយថា៖

«យើងពិតជារំភើបណាស់ដែលសមាគមរោងចក្រកាត់ដេរនៅកម្ពុជា បានផ្តល់ឲ្យយើងនូវផ្លាតហ្វមមួយ និងឱកាសក្នុងការបង្ហាញពីដំណោះស្រាយរបស់យើង ក៏ដូចជាចូលរួមក្នុងអាជីវកម្មកម្ពុជា និងភាគីពាក់ព័ន្ធសំខាន់ៗដើម្បីចែករំលែកពីវិធីសាស្ត្រដែល Zilingo អាចជួយឲ្យពួកគេបង្កើនប្រសិទ្ធិភាពផលិតកម្មតាមរយៈការធ្វើស្វ័យប្រវត្តិភាពនៃផលិតកម្មផ្សេងៗក្នុងរោងចក្រ»។

ប្រសាសន៍របស់លោក Sid Narayanan

Zilingo មានទំនាក់ទំនងដ៏រឹងមាំជាមួយនឹងសមាគមរោងចក្រកាត់ដេរនៅកម្ពុជា និងត្រូវបានអញ្ជើញដោយសមាគមនេះ ឲ្យធ្វើការបង្ហាញពីរបៀបដែលដំណោះស្រាយបច្ចេកវិទ្យាឆ្លាតវៃរបស់ខ្លួន អាចនាំយករោងចក្រនានានៅកម្ពុជា ចូលទៅក្នុងបដិវដ្តន៍ប្រព័ន្ធឌីជីថល ដើម្បីរក្សាទីតាំងរបស់ខ្លួនក្នុងនាមជាតួអង្គដ៏សំខាន់ក្នុងវិស័យឧហ្សាហកម្មសម្លៀកបំពាក់។

លោក កាំង ម៉ូនីកា អគ្គលេខាធិការរងសមាគមរោងចក្រកាត់ដេរនៅកម្ពុជា មានប្រសាសន៍ថា៖

«ក្នុងសម័យកាលឧស្សាហកម្ម 4.0 យើងកំពុងតែអង្កេតលើល្បឿននៃការវិវឌ្ឍរបស់ស្វ័យប្រវត្តិភាព និងប្រព័ន្ធឌីជីថលក្នុងរោងចក្ររបស់យើងទាំងអស់។ ម៉ាស៊ីនស្វ័យប្រវត្តិ កំពុងតែកើនឡើងលើការប្រើប្រាស់ក្នុងដំណើរការរបស់រោងចក្រភាគច្រើនក្នុងនោះរាប់បញ្ចូលទាំង ការចនាម៉ូត ការបង្កើតគំរូម៉ូត ការកាត់ម៉ូត ការបោះពុម្ភលើសម្លៀកបំពាក់ ការប៉ាក់ ការដេរ និងការគ្រប់គ្រងគុណភាព»។

មុន បន្ទាប់

មតិយោបល់