អូស្ត្រាលី៖ ក្រោយពីមានព្យុះធូលីបានវាយប្រហារទៅលើប្រទេសអូស្រ្តាលី ពេលនេះតំបន់ខ្លះភាគអាគ្នេយ៍របស់ប្រទេសនេះត្រូវបានរងបំផ្លាញ ដោយសារមានភ្លៀងធ្លាក់ជាដុំទឹកកកទំហំប៉ុនគ្រាប់ប៉េងប៉ុងវិញម្តង ដែលវាធំល្មមអាចបំបែកកញ្ចក់​រថយន្ត និងធ្វើឱ្យសត្វបក្សីរងរបួសបាន។ ​

​ភ្លៀងទឹកកកបានមកដល់រដ្ឋធានី Canberra កាលពីរសៀលថ្ងៃច័ន្ទ ​និងបានបន្សល់ទុកទៅដោយដុំទឹកកកជាច្រើននៅលើផ្ទៃដី ហើយមនុស្សជាច្រើនបានរត់រកកន្លែងមានសុវត្ថិភាព ខណៈអ្នកបើកបររថយន្តបានស្វះស្វែងរកចំណតក្រោមដី ដើម្បី​ចត ព្រោះ​ខ្លាចខូចរថយន្តដោយភ្លៀងទឹកកកនេះ។

លោក Tom Swann ​ដែលជា​សាស្ត្រាចារ្យស្រាវជ្រាវនៅវិទ្យាស្ថានអូស្ត្រាលីក្នុងរដ្ឋធានី Canberra បាននិយាយថា៖

Tom Swann

​យោងតាមការិយាល័យឧតុនិយមរបស់ប្រទេសអូស្ត្រាលីព្យាករណ៍ថា ​ភ្លៀងទឹកកកនេះកំពុងឆ្ពោះទៅភាគខាងកើត​តំបន់ឆ្នេរសមុទ្រ ដូចជាទីក្រុង Sydney Wollongong Newcastle ។​ ការិយាល័យឧតុនិយមរបស់ប្រទេសនេះបានប្រកាសសូមឱ្យប្រជាជននៅទីក្រុងទាំងនោះមានការប្រុងប្រយ័ត្នខ្ពស់ ព្រោះវានឹងមានខ្យល់បក់បោកខ្លាំងលាយឡំជាមួយនឹងភ្លៀងទឹកកកដែរ៕