ភ្នំពេញ៖ ប្រិយមិត្តប្រាកដជាបានជ្រាបរួចមកហើយពី ក្រុមហ៊ុន រស្មីហង្សមាស ដែលជាទូរទស្សន៍មួយកំពុងឈានមុខគេបង្អស់របស់កម្ពុជា ដែលមានអ្នកចូលចិត្តតាមដានទស្សនា​ច្រើនបំផុត មិនតែប៉ុណ្ណោះ ផលិតកម្មហង្សមាស ក៏បានទិញកម្មវិធីធំៗជាច្រើន សុទ្ធតែជាកម្មវិធីលំដាប់ថ្នាក់អន្តរជាតិ។

យ៉ាងណាមិញ យើងដឹងហើយថានៅក្នុងក្រុមហ៊ុន ហង្សមាស ក៏មានតារាតារាប្រុសស្រីជាច្រើនអ្នកសុទ្ធតែមានសមត្ថភាពខ្ពស់ និងមានភាពល្បីល្បាញខ្លាំង។ ក្នុងនោះដែរ ក៏មានតារាចម្រៀងវ័យក្មេងជាច្រើនអ្នកបានចូលខ្លួនជាតារាម្រៀង គ្រួសារហង្សមាស ដោយពួកគេក៏បានឆ្លងកាត់ការប្រកួតប្រជែង ក្នុងកម្មវិធីជាច្រើនផងដែរ។

ជាក់ស្តែងកាលពីពេលថ្មីនេះ ក្រុមហ៊ុនហង្សមាសក៏បាននឹងត្រៀមបើកអាគារភ្លោះហង្សមាស ដោយក្នុងនោះយើងបានសង្កេតឃើញថា ក៏មានតារាចម្រៀងជាច្រើននាក់ ក្នុងផលិតកម្មហង្សមាសក៏បានចូលរួមច្រៀងជាបទចម្រៀង ដែលមានតារាចម្រៀងប្រុសស្រីជាច្រើនចូលរួមច្រៀង សរុបជិត ១០០នាក់ឯណ្ណោះ។

មិនត្រឹមតែប៉ុណ្ណោះ តាមរយៈវីដេអូខ្លីៗ របស់លោកនី រតនា បានបង្ហោះ ឃើញថាមានការចាប់អារម្មណ៍ខ្លាំង និងធ្វើឲ្យហ្វេនជាច្រើនពិតជាអន្ទះសារចង់ស្តាប់ បទចម្រៀងដំបូងដែលផលិតកម្មនេះ បានចេញរួមគ្នា មានទាំងតារារាមច្បង និងតារាក្រោយជាច្រើនរូប៕

សូមទស្សនារូបភាព និង វីដេអូខាងក្រោម៖