មិនប្រថុយបានន័យថាមិនលូតលាស់ទៅមុខ

មិនប្រថុយបានន័យថាមិនលូតលាស់ទៅមុខ

អ្នកងាយមើលឃើញហានិភ័យដែលទាក់ទងជាមួយនឹងការផ្លាស់ប្តូរធំៗដូចជា ការដាក់ពាក្យចូលការងារថ្មីឬការទទួលយកនូវទំនួលខុសត្រូវការងារថ្មីជាដើម ប៉ុន្តែហានិភ័យពិតប្រាកដមួយកើតឡើងដោយសារ ការចៀសវាងធ្វើការផ្លាស់ប្តូរ។ បើសិនជាអ្នកចង់បានអ្វីច្រើនជាងមុន នោះការភ័យខ្លាចក្នុងការប្រលូកនឹងគ្រោះថ្នាក់អាចជាហានិភ័យដ៏ធំជាងគេក្នុងជីវិតរបស់អ្នក។

William បានចេញទៅធ្វើការជារៀងរាល់ថ្ងៃនៅចំការGeneral Mills។ ការងារគឺមានការពិបាកនិងស្មោគរោគប៉ុន្តែជាការងារថេរ ម្យ៉ាងទៀតWilliam មិនមែនជាអ្នកត្អូញត្អែរទេ។ រៀងរាល់យប់ពេលគាត់ត្រលប់មកផ្ទះវិញ គាត់ទទួលទានអាហារពេលល្ងាចនិងបន្ទាប់មកចាប់យកជក់គំនូររបស់គាត់។

Williamគូរគំនូរពីទេសភាពផ្លូវថ្នល់ដែលពណ៌នាពីទិដ្ឋភាពពិតនៃជីវិតទីក្រុង។ គាត់តែងតែគូរគំនូររៀងរាល់ថ្ងៃអស់ជាច្រើនឆ្នាំ។ គំនូររបស់គាត់ត្រូវដាក់តាំងតែកន្លែងរក្សាទុករបស់គាត់និងកន្លែងទំនេរនៃបន្ទប់គេងរបស់គាត់ប៉ុននោះ។ គាត់មិនដែលបង្ហាញនរណាម្នាក់ទេ។ តាមពិតទៅគាត់មិនចូលចិត្តនិយាយពីចំនូលចិត្តកំសាន្តរបស់គាត់ទេ បើសិនជាគាត់អាចចៀសវាងបាន។

មិត្តភិក្តិរបស់គាត់ម្នាក់បានតែងតែអង្វរWilliamឲ្យយកគំនូររបស់គាត់ចូលក្នុងការតាំងពិព័ណ៌សិល្បះក្នុងតំបន់។Williamបានបដិសេធ ហើយបដិសេធម្តងទៀតនៅឆ្នាំបន្ទាប់។ ចុងក្រោយគាត់ក៏យល់ព្រមនៅឆ្នាំទីបីហើយWilliamបានក្លាយជាអ្នកឈ្នះទទួលពានរង្វាន់ឆ្នើម។

ជាបណ្តើរៗ William បានយកឈ្នះការស្ទាក់ស្ទើរចិត្តរបស់គាត់ ហើយអនុញ្ញាតិឲ្យគំនូររបស់គាត់មួយចំនួន បានដាក់តាំងក្នុងបណ្ណាល័យសារធារណៈ ក្នុងនាមជាសិល្បៈក្នុងតំបន់។ ឈ្មួញម្នាក់បានឃើញគំនូរនេះហើយបាននិយាយជាមួយWilliamជាច្រើន ប៉ុន្តែចុងក្រោយក៏ជំរុញ Williamឲ្យអនុញ្ញាតឲ្យនាងឃើញគំនូរជាច្រើនទៀត។ ការដាក់តាំងបង្ហាញដ៏តូចមួយនិង ការទស្សនាពីមនុស្សជាច្រើន ដែលWilliamមិនធ្លាប់ឃើញ បានចាប់ផ្តើមមិនយូរប៉ុន្មាន។

មនុស្សដែលពេញចិត្តទៅនឹងអាជីពរបស់គេមាន៤៨ភាគរយគឺងាយស្រួលទទួលយកហានិភ័យមួយចំនួនក្នុងការងារអនាគតរបស់គេ ជាងអ្នកដែលមានអារម្មណ៍មិនពេញលេញក្នុងការងាររបស់គេ។ ការទទួលយកហានិភ័យមិនត្រឹមតែធ្វើឲ្យពួកគេមានអារម្មណ៍ស្រួលជាងមុនក្នុងការស្វែងរកឱកាសទៅអនាគត ប៉ុន្តែក៏អនុញ្ញាតិឲ្យពួកគេមានអារម្មណ៍ថាមុខតំនែងថ្មីរបស់គេគឺជាជម្រើសមិនមែនគ្រាន់តែជាប្រយោគទេ(Ingram 1998)៕

ប្រភព៖ Health.com.kh

មុន បន្ទាប់

មតិយោបល់