ខ្លាចការជោគជ័យគួរតែជំនះអោយបាន

ខ្លាចការជោគជ័យគួរតែជំនះអោយបាន

ថៅកែរបស់ ឡូរ៉ា ទើបតែប្រកាសថា ក្រុមហ៊ុនទើបតែដេកថ្លៃឈ្នះដើម្បីបង្កើតយុទ្ធនាការទីផ្សារថ្នាក់ជាតិមួយ។ ហើយគាត់កំពុងតែផ្តល់ជាយោបល់ថា គាត់ចង់អោយឡូរ៉ាចាត់ចែងគម្រោងមួយនេះ។ អ្វីៗទាំងអស់ដែលនាងត្រូវធ្វើនោះគឺប្រាប់គាត់អោយដឹងថានាងមានចំណាប់អារម្មណ៍ការងារនេះនៅថ្ងៃសុក្រ។

ឡូរ៉ាតែងតែសង្ឈឹមថានឹងមានឱកាសបែបនេះជានិច្ច។ នាងដឹងថា ការងារ និងជំនាញគ្រប់គ្រងរបស់នាងគឺវាសាកសមនឹងនាងសម្រាប់ការងារនេះណាស់។ ទោះបីជាយ៉ាងណាក៏ដោយ ពេលថ្ងៃសុក្រមកដល់ នាងបានបង្កើតនូវតារាងមួយដែលសុទ្ធតែជាហេតុផលថានាងមិនចង់ទទួលយកគម្រោងមួយនោះទៅវិញ។ នៅទីបំផុតនាងនៅតែមិនបាននិយាយរឿងនេះប្រាប់ចៅហ្វាយនាងដដែល។

តើស្ថានភាពបែបនេះស្តាប់មើលទៅស្រដៀងគ្នានឹងអ្នកដែរទេ?

ខ្លាចការទទួលបានជោគជ័យពិតជារឿងមួយដែលកើតមានជាញឹកញាប់មែន ហើយវាអាចធ្វើអោយយើងបាត់បង់ឱកាសជាច្រើនក្នុងឆាកជីវិតទៀតផង។ នៅពេលយើងខ្លាចនឹងការប្រឈមមុខ និងឈានជើងឆ្ពោះទៅមុខកាន់គោលដៅរបស់យើងពេក ទាំងដឹងខ្លួន ឬមិនដឹងខ្លួន វាសុទ្ធតែធ្វើអោយយើងមានភាពធុញទ្រាន់នឹងកន្លែងមួយ ដោយមិនហ៊ានទាំងឈាន់ទៅមុខ និងបកក្រោយវិញ។

អត្ថបទនេះ យើងនឹងពន្យល់អំពីការខ្លាចការទទួលបានជោគជ័យដូចជា៖ តើវាជាអ្វី, ធ្វើដូចម្តេចដឹងបើអ្នកមានបញ្ហានេះហើយ, និងអ្វីដែលអ្នកអាចធ្វើបានដើម្បីជំនះវា។

វេជ្ជបណ្ឌិត ម៉ាទីណា ហ័រណឺ (Matina Horner) អ្នកឯកទេសខាងចិត្តសាស្ត្របានធ្វើរោគវិនិច្ឆ័យដំបូងគេទៅលើការភ័យខ្លាចការទទួលបានជោគជ័យកាលពីដើមឆ្នាំ ១៩៧០មកម្ល៉េះ។ ការស្រាវជ្រាវរបស់អ្នកស្រី ជាពិសេសដែលមានជាប់ទាក់ទងនឹងបញ្ហារបស់មនុស្សស្រីផងដែរនោះ គឺការខ្វែងគំនិតគ្នាដ៏អស្ចារ្យ។

ទោះបីជាយ៉ាងណាក៏ដោយ ចាប់តាំងពីពេលនោះមក អ្នកវិទ្យាសាស្ត្រ និងអ្នកឯកទេសខាងចិត្តសាស្ត្រភាគច្រើន យល់ស្របថា ការខ្លាចការទទួលបានជោគជ័យអាចកើតឡើងបានទាំងមនុស្សប្រុស និងមនុស្សស្រី។

ខ្លាចការទទួលបានជោគជ័យមានលក្ខណៈស្រដៀងគ្នានឹងការខ្លាចការប៉ារ៉ាជ័យដែរ។ ពួកវាទាំងពីរនេះមានរោគសញ្ញាដូចៗគ្នាជាច្រើន ហើយខ្លាចទាំងពីរនេះធ្វើអោយអ្នកមិនអាចទទួលបានការប៉ងប្រាថ្នា និងគោលដៅរបស់អ្នកបានឡើយ។

រោគសញ្ញា

បញ្ហាដ៏ធំបំផុតសម្រាប់មនុស្សភាគច្រើនគឺការភ័យខ្លាចការទទួលបានជោគជ័យរបស់ពួកគេគឺជាភាពគ្មានចេតនាយ៉ាងធំធេង។ ពួកគេគ្រាន់តែមិនយល់ថា ពួកគេកំពុងតែធ្វើអោយខ្លួនឯងកាន់តែមិនអាចធ្វើអ្វីៗអោយកាន់តែប្រសើរទៀតនោះទេ។

បើសិនជាអ្នកធ្លាប់មានបទពិសោធន៍ដូចខាងក្រោមនេះ អ្នកទំនងជាភ័យខ្លាចការទទួលបានជោគជ័យលើកម្រិតមួយចំនួនហើយ៖

អ្នកមានអារម្មណ៍ថាដូចជាមានកំហុសចំពោះជោគជ័យទាំងឡាយដែលអ្នកមាន មិនខ្វល់ថាជាជោគជ័យតិចតួច, ដោយសារតែមិត្តភក្តិ, គ្រួសារ, ឬអ្នកធ្វើការជាមួយគ្នាមិនបានទទួលជោគជ័យដូចគ្នានោះទេ។
អ្នកមិនបាននិយាយប្រាប់អ្នកដទៃអំពីជ័យជំនះរបស់អ្នកទទួលបាន។
ចូលចិត្តគេចវេសជាមួយនឹងគម្រោងធំៗ ជាពិសេសគម្រោងទាំងឡាយណាដែលអាចគេមានការទទួលស្គាល់។
អ្នកច្រើនតែធ្វើការសម្របសម្រួលទៅលើគោលដៅ ឬរបៀបវីរៈខ្លួនឯងដើម្បីចៀសវាងការមានបញ្ហានៅក្នុងក្រុម ឬជម្លោះក្នុងគ្រួសារ។
អ្នកនិយាយបន្ថោកការងារ ឬការប៉ងប្រាថ្នារបស់ខ្លួនឯងដោយសារអ្នកមិនមានសមត្ថភាពគ្រប់គ្រាន់នឹងទទួលយករឿងនោះធ្វើទេ។
អ្នកមានអារម្មណ៍ថា អ្នកមិនសាកសមទទួលយកនូវភាពរីករាយនៃជោគជ័យក្នុងជីវិតនោះទេ។
អ្នកជឿថា បើសិនជាអ្នកពិតជាទទួលបានជោគជ័យមែន អ្នកនឹងមិនអាចរក្សាវាអោយបានល្អឡើយ។ អ្នកនឹងធ្វើអោយវាបាត់បង់ទៅវិញ។

មូលហេតុ
ការខ្លាចការបរាជ័យមានមូលហេតុរបស់វាជាច្រើនដូចជា៖

យើងខ្លាចនូវជោគជ័យអ្វីដែលនឹងទទួលបាន ដូចជា ភាពឯកោ, សត្រូវថ្មី, ត្រូវរស់នៅដាច់ឆ្ងាយពីគ្រួសារ, ធ្វើការច្រើនម៉ោង, ឬត្រូវគេសុំលុយ ឬពឹងអោយធ្វើការច្រើន។
អ្នកខ្លាចថា កាលណាជីវិតរបស់យើងឈានឡើងកាន់តែខ្ពស់ យើងនឹងធ្លាក់មកវិញនៅពេលយើងសាងកំហុស។
យើងខ្លាចការធ្វើការបន្ថែម, ទំនួលខុសត្រូវបន្ថែម ឬការរិះគន់ជាច្រើនដែលយើងនឹងត្រូវប្រឈមមុខ។
យើងខ្លាចថាទំនាក់ទំនងរបស់យើងនឹងមានការឈឺផ្សាបើសិនជាយើងទទួលបានជោគជ័យ។ មិត្តភក្តិ និងគ្រួសាររបស់យើងនឹងមានប្រតិកម្មដោយការច្រណែន ហើយយើងនឹងបាត់បង់មនុស្សដែលយើងស្រលាញ់ទៀតផង។
យើងខ្លាចថា ការទទួលបានជោគជ័យប្រហែលជាបង្កអោយមានការស្តាយក្រោយដ៏ខ្លាំងក្លាមួយដែលយើងមិនបានដឹងមុន។

ការជំនះ
អ្នកអាចប្រើប្រាស់យុទ្ធិសាស្ត្រផ្សេងៗគ្នាជាច្រើនដើម្បីជំនះការភ័យខ្លាចការទទួលបានជោគជ័យរបស់អ្នកបាន។ អ្វីដែលល្អនោះគឺថា កាលណាអ្នកប្រឈមមុខនឹងភាពភ័យខ្លាចរបស់អ្នកកាន់តែច្រើន, យកវាមកដាក់មុខ, និងវិភាគវាបានយ៉ាងល្អិតល្អន់នោះ អ្នកទំនងជានឹងអាចបន្ទន់ភាពភ័យខ្លាចទាំងនោះកាន់តែច្រើនដែរ ហើយអាចបន្ថយនូវភាពស្ទាក់ស្ទើរដើម្បីសម្រេចគោលដៅរបស់អ្នកបានយ៉ាងអស្ចារ្យទៀតផង។

ចូរក្រឡែកមើលអោយបានច្បាស់លាស់នូវអ្វីដែលនឹងកើតឡើងបើសិនជាអ្នកបានសម្រេចគោលដៅរួច។ មិនត្រូវមើលអ្វីដែលអ្នកនឹងសង្ឈឹមថាវាកើតមាន ឬអ្វីដែលអ្នកខ្លាចថាវានឹងកើតមានឡើយ។ តែចូរមើលនូវអ្វីដែលវាទំនងជាកើតមានជំនួសវិញ។

យកល្អមិនត្រូវឆ្លើយសំនួរនេះលឿនពេកទេ។ ចូរចំណាយពេលយ៉ាងហោចណាស់ ១៥នាទីដើម្បីពិនិត្យរាល់រឿងរ៉ាវទាំងអស់ ព្រមទាំសរសេរចម្លើយចំពោះសំណួរដូចខាងក្រោមនេះវិញ៖

តើមិត្ត និងគ្រួសាររបស់ខ្ញុំនឹងមានប្រតិកម្មដូចម្តេចបើសិនជាខ្ញុំសម្រេចគោលដៅមួយនេះបាន?
តើជីវិតរបស់ខ្ញុំនឹងប្រែប្រួលដូចម្តេចទៅ?
តើមានអ្វីដែលអាក្រក់បំផុតអាចកើតឡើងបានទៅបើសិនជាខ្ញុំសម្រេចបានគោលដៅនេះហើយ?
តើមានអ្វីអាចកើតឡើងបានយ៉ាងល្អបំផុតទៅ?
ហេតុអ្វីបានជាខ្ញុំមានអារម្មណ៍ថាខ្ញុំមិនសាកសមនឹងសម្រេចបានគោលដៅមួយនេះ?
តើខ្ញុំគួរធ្វើការលើកទឹកចិត្តដល់ខ្លួនឯងដូចម្តេចទៅដើម្បីឆ្ពោះទៅកាន់គោលដៅមួយនេះ?
តើថ្មីៗនេះខ្ញុំបានបង្កបញ្ហា, ឬធ្វើអោយឈឺចាប់ចំពោះការខិតខំប្រឹងប្រែងរបស់ខ្លួនឯងអ្វីខ្លះទៅ?
តើខ្ញុំអាចបញ្ឈប់នូវឥរិយាបថបំផ្លាញខ្លួនឯងបែបនេះដូចម្តេចទៅ?

វិធីសាស្រ្តដ៏មានប្រយោជន៍ផ្សេងមួយនទៀតគឺរកអោយឃើញភាពភ័យខ្លាចរបស់អ្នកដោយផ្ទាល់ ហើយចាំរៀបចំគម្រោងដើម្បីអាចជំនះបាននូវអ្វីដែលជាការបារម្ភរបស់អ្នកវិញ។

ឧទាហរណ៍ ចូររំពឹងថា អ្នកមិនបានជម្រុញខ្លួនឯងអោយទទួលបានដំណែងឡើយ ហើយហេតុផលដ៏ធំបំផុតគឺអ្នកលួចខ្លាចថាវាអាចបន្ថយនូវបញ្ហាដែលធ្វើអោយប៉ះពាល់ដល់ទំនាក់ទំនងគ្រួសារ និងសច្ចៈភាពរបស់អ្នក។ អ្នកបារម្ភថា អ្នកនឹងរវល់ធ្វើការងារខ្លាំងដើម្បីរក្សាជោគជ័យរបស់អ្នកដែលជាហេតុធ្វើអោយអ្នកមិនអាចជួបគ្រួសារ និងប្រហែលជាត្រូវបង្ខំចិត្តជ្រើសរើសការបំផ្លាចសច្ចៈភាពរបស់អ្នកទៀតផងក៏មិនដឹង។

ដើម្បីយកឈ្នះការភ័យខ្លាចទាំងនេះ ចូរចាប់ផ្តើមតាមរយៈរកអោយឃើញបន្ទុកការងាររបស់អ្នក។ អ្នកអាចបង្កើតក្បួនមួយសម្រាប់ខ្លួនឯងដែលអ្នកនឹងត្រូវមកផ្ទះវិញនៅម៉ោង ៧ល្ងាចជានិច្ច។ អ្នកអាចប្រាប់រឿងនេះដល់ចៅហ្វាយនាយបានបើសិនជាអ្នកត្រូវបានគាត់ផ្តល់ដំណែងថ្មីអោយ។

សម្រាប់បញ្ហាដែលជាប់ទាក់ទងនឹងសច្ចៈភាព អ្នកតែងតែមានជម្រើសមួយជានិច្ច។ បើសិនជាអ្នកត្រូវការរក្សាសច្ចៈភាពអោយដូចជាគោលដៅកំពូលរបស់អ្នក ពេលនោះអ្នកនឹងតែងតែមានជម្រើសយ៉ាងត្រឹមត្រូវជានិច្ចជាមិនខាន៕

ប្រភព៖ Health.com.kh

មុន បន្ទាប់

មតិយោបល់