ទំនាក់ទំនង ដើម្បីសហការណ៍គ្នាបានល្អ

ទំនាក់ទំនង ដើម្បីសហការណ៍គ្នាបានល្អ

ទំនាក់ទំនងដ៏មានប្រសិទ្ធភាព គឺជានិន្នាការដ៏សំខាន់ដើម្បីទទួលបានជោគជ័យ។ វាអាចជួយបង្កើតការជឿជាក់ និងមជ្ឈដ្ឋានដែលអាចដោះស្រាយបញ្ហា និងការលើកទឹកចិត្តអោយចេះបញ្ចេញយោបល់។ នៅពេលដែលគ្មានទំនាក់ទំនង ការយល់ច្រឡំគ្នាច្រើនតែធ្វើអោយមានជម្លោះ និងភាពសាំចិត្តកើតមានក្នុងសមាជិកក្រុមការងារ។

ប្រធានស្ថាប័ននីមួយៗត្រូវតែយល់ថា ទំនាក់ទំនងល្អ និងភាពជាអ្នកដឹកនាំល្អត្រូវតែមានទំនាក់ទំនងគ្នាយ៉ាងជិតស្និទ្ធ។ ស្ថិតក្នុងមូលដ្ឋានមួយនេះ យើងនឹងបង្ហាញនូវព័ត៌មានច្រើនសម្រាប់តម្រូវការប្រចាំថ្ងៃ។

ការផ្ញើសារអាចធ្វើឡើងតាមរបៀបជាច្រើនដូចជា សារជាអក្សរតាមទូរស័ព្ទ អ៊ីម៉ែល និងតាមបណ្តាញទំនាក់ទំនងក្នុងសង្គមផ្សេងៗ។ បើសិនជាអ្នកអ្នកពិតជាចង់ធ្វើអោយក្រុមហ៊ុន ឬរចនាសម្ព័ន្ធក្រុមហ៊ុនដំណើរការបានល្អ ជាពិសេសការចូលរួមសការគ្នា ខាងក្រោមនេះ គឺជាវិធីសាស្ត្រមួយចំនួនដែលអាចជួយដល់អ្នកបាន។

គ្រប់គ្រងស្ត្រេសសម្រាប់ទំនាក់ទំនងដ៏មានប្រសិទ្ធភាព
ការដែលមានភាពតានតឹងខ្លាំងពេកអាចនាំអោយទំនាក់ទំនងមិនសូវល្អឡើយ ជាពិសេស នៅពេលដែលទំនាក់ទំនងរបស់អ្នកមានការផ្ញើសារតាមរយៈអ៊ីម៉ែលច្រើនពេក។ ការសរសេរអ៊ីម៉ែល ឬសារមិនបានល្អអាចងាយនឹងមានការយល់ច្រឡំ និងជាសញ្ញាមិនត្រឹមត្រូវ ដែឡអាចធ្វើអោយខូចខាតដល់សមត្ថភាពនៃការគិតច្បាស់លាស់ ព្រមទាំងទំនាក់ទំនងដែលគ្មានប្រសិទ្ធភាពទៀតផង។ ដូច្នេះ អ្វីដែលអ្នកគួរធ្វើ អ្នកគួរតែពន្យារពេលធ្វើការទាក់ទង ឬផ្ញើសារសិន នៅពេលអ្នកស្ត្រេស។ ចូរប្រើពេលវេលាខ្លះដើម្បីបន្ធូរអារម្មណ៍មុនពេលធ្វើទំនាក់ទំនងជាមួយអតិថិជន និងក្រុមការងារ។

លុបបំបាត់ឧបសគ្គក្នុងទំនាក់ទំនង
ទំនាក់ទំនងដ៏មានប្រសិទ្ធភាពអាចក្លាយទៅជាងាយស្រួលជាងមុនបាន នៅពេលដែលសមាជិកក្រុមទាំងអស់មានការយល់ដឹងអំពីគ្នាទៅវិញទៅមកច្បាស់លាស់ដែរ។ សូមអរគុណចំពោះបច្ចេកវិទ្យាទំនើបៗ ព្រោះមានឧបករណ៍ដែលអាចប្រើអ៊ីនធើណេតបានច្រើនណាស់ ដើម្បីផ្តល់នូវភាពកាន់តែងាយស្រួលដល់សមាជិកក្រុមបានប្រាប់គ្នាថា ពួកគេបាននៅជាមួយគ្នា ឬកំពុងតែមានវត្តមាន។ ចូរលើកទឹកចិត្តដល់សមាជិកក្រុមរបស់អ្នក ដើម្បីពិភាក្សាគ្នា និងសហការណ៍គ្នាទៅវិញទៅមកតាមរយៈការផ្ញើសារតាមអ៊ីនធើណែត។

ការធ្វើកិច្ចប្រជុំតាមរយៈវីដេអូ ឬសម្លេងទូរស័ព្ទតាមរយៈកម្មវិធី Skype ឬ Google Hangout ពី Google Plus ជារៀងរាល់ថ្ងៃ និងសប្តាហ៍ គឺជាអ្វីដែលត្រូវតែធ្វើទៅតាមតម្រូវការរបស់សមាជិកអ្នក។ ការប្រជុំមិនគួរណាមានរយៈពេលវែងនោះទេ។

ចូរលើកទឹកចិត្តដល់សមាជិកក្រុមរបស់អ្នក អោយទូរស័ព្ទមកអ្នកដោយផ្ទាល់នៅពេលមានតម្រូវការជាសំខាន់ និងពិភាក្សាគ្នា ដូច្នេះ លំហូរនៃការងារក៏នឹងមិនមានអ្វីរាំងស្ទះទៀតដែរ។

ការអនុវត្តបែបនេះ គឺជាអ្វីដែលអាចគិតថាមានប្រយោជន៍ និងអាចដោះស្រាយបញ្ហាបានកាន់តែលឿន ព្រមទាំងអាចច្នៃប្រឌិតនូវកិច្ចពិភាក្សាដែលថ្មីៗចំពោះពេលវេលាពិប្រាកដ៕

ប្រភព៖ Health.com.kh

មុន បន្ទាប់

មតិយោបល់