ទំនាក់ទំនងមិនល្អ រវាងឪពុកម្តាយ និងកូន

ទំនាក់ទំនងមិនល្អ រវាងឪពុកម្តាយ និងកូន

កំហឹង អាចធ្វើទំនាក់ទំនងរវាងឪពុកម្តាយ និងកូនធ្លាក់ចុះ និងកាន់តែលែងមានប្រសិទ្ធិភាព។ ការយល់ដឹងអំពីមូលហេតុដែលធ្វើអោយកូនមិនព្រមស្តាប់អ្នក ឬមូលហេតុដែលអ្នកហាក់បីដូចជាមិនចាប់អារម្មណ៍លើអ្វីដែលគេនិយាយ អាចជួយអោយអ្នកពង្រឹងដល់ភាពខ្លាំងក្លានៃការរស់នៅក្នុងគ្រួសារ និងចៀសផុតពីទំនាស់មិនបានការទៀតផង។

ការពិតជាទូទៅ
បើសិនជាអ្នកយល់ថា ខ្លួនឯងកំពុងតែនិយាយអ្វីសរុប ឬបែបទូទៅអោយកូនអ្នកស្តាប់ដូចជា “កូនឯងដូចជាមិនដែលធ្វើតាមអ្វីដែលប៉ាប្រាប់សោះ” ... ពេលនោះគេទំនងជាមិនមានប្រតិកម្មវិជ្ជមានចំពោះសម្តីរបស់អ្នកឡើយ។ នៅពេលអ្នកព្យាយាមធ្វើអ្វីមួយដែលទូទៅជ្រុលពេកនោះ កូនក៏អាចទទួលបានភាពទូទៅនោះបែបអាក្រក់ ឬខុសពីការពិតដែរ។ រឿងនេះអាចមានឥទ្ធិពលអវិជ្ជមានចំពោះការស្រឡាញ់ពេញចិត្តរបស់គេ និងបំបែកបំបាក់ដល់ទំនាក់ទំនងរបស់អ្នក និងគេទៀតផង។

ជំនះរកភាពឯករាជ្យ
មិនខ្វល់ថាអ្នកមានកូនទើបតែរៀនចេះដើរដែលប៉ិនឆ្ងល់ ឬយុវវ័យដែលធ្វើខ្លួនជាមនុស្សធំក្នុងបន្ទុកទេ តម្រូវការដើម្បីទទួលបានភាពឯករាជ្យអាចនឹងបំបែកបំបាក់ទំនាក់ទំនងវិជ្ជមានរបស់អ្នកទាំងពីរបាន។ ទោះបីជាភាពឯករាជ្យ គឺជារឿងល្អយ៉ាងណាក៏ដោយ អោយតែកូនអ្នកយល់ថា គេមិនចង់ស្តាប់អ្នកនោះ វានឹងក្លាយទៅជាបញ្ហាសម្រាប់គេជាមិនខាន។ ឧទាហរណ៍ បើសិនជាអ្នកយល់ថា កូនអ្នកគួរតែនៅផ្ទះ ដើម្បីញ៉ាំអាហារពេលយប់ជាមួយគ្រួសារនោះ គេប្រហែលជាមិនខ្វល់អំពីសំណើររបស់អ្នក និងលែងស្តាប់អ្នកតែម្តងក៏មានដែរ។

ការជម្នះ និងជម្លោះរបស់គ្រួសារ
ស្ថិតក្នុងពេលវេលាដ៏លំបាកមួយដូចជា ការលែងលះគ្នា សុទ្ធតែអាចប៉ះពាល់ដល់ជំហរបស់គ្រួសារ និងដាក់សម្ពាធដល់ទំនាក់ទំនងរវាងឪពុកម្តាយ និងកូនជាមិនខាន។ នៅពេលគ្រួសារកំពុងតែមានការលំបាករយៈពេលយូរបែបនេះ ទំនាក់ទំនងរបស់អ្នកប្រហែលជាថយចុះ ឬចប់តែម្តង។ ឧទាហរណ៍ បើសិនជាអ្នកកំពុងតែរស់នៅចែកផ្លូវគ្នានោះ កូនប្រហែលជាខឹងនឹងអ្នក ឬអ្នកប្រហែលជាទទួលរងនូវការឈឺចាប់ខាងផ្លូវចិត្តទៀតក៏មានដែរ៕

ប្រភព៖ Health.com.kh

មុន បន្ទាប់

មតិយោបល់