រឿង ៥ យ៉ាងដែលមនុស្សស្រីកត់សម្គាល់លើមនុស្សប្រុស

រឿង ៥ យ៉ាងដែលមនុស្សស្រីកត់សម្គាល់លើមនុស្សប្រុស

ខណៈពេលដែលមនុស្សប្រុសមើលមនុស្សស្រីដោយក្តីស្នេហ៍ និងចាប់ផ្តើមកើតចេញពីគំនិតយោបល់របស់ពួកគេផងដែរនោះ មនុស្សស្រីក៏កត់សម្គាល់ទៅលើរឿងដំបូងមួយចំនួនតូចលើបុរសដែរ កាលណាពួកគេបានជួបគ្នា។ ហើយចំណាប់អារម្មណ៍ដំបូងមួយនេះនឹងអាចជួយបើកផ្លូវសម្រាប់ការធ្វើទំនាក់ទំនងនៅពេលអនាគតបាន។ ខាងក្រោមនេះ គឺជាវិធីសាស្ត្រ ៥យ៉ាងដើម្បីបង្កើតការចាប់អារម្មណ៍ ហើយក៏ជាអ្វីដែលមនុស្សស្រីតែងកត់សម្គាល់លើមនុស្សប្រុសដែរ។

រូបរាងខាងក្រៅ
រូបរាងខាងក្រៅរបស់អ្នក គឺជាចំណុចចាប់អារម្មណ៍ដំបូងគេ ដែលស្ត្រីគ្រប់រូបកត់សម្គាល់ក្នុងរយៈពេលពីរបីនាទីដំបូង។ រឿងនេះមានដូចជា កម្ពស់ ទម្ងន់ លក្ខណៈខាងក្រៅ សក់ ភ្នែក និងអ្វីៗជាច្រើនទៀត។ ដូច្នេះ មនុស្សប្រុសត្រូវចំណាយពេលនៅកន្លែងហាត់ប្រាណដើម្បីទទួលសុខភាពល្អពីខាងក្នុងមកវិញ។ ហើយមិនត្រូវភ្លេចស្លៀកពាក់អោយបានសមរម្យ ថែរក្សាក្រចក និងដៃអោយបានស្អាតល្អផង។

ស្តាយ
នៅរយៈពេលពីរបីវិនាទីបន្ទាប់ របៀបស្លៀកពាក់ និងស្តាយរបស់អ្នកនឹងត្រូវបានចាត់ចូលទៅក្នុងការសង្កេតរបស់នាងដែរ។ របៀបនៃការស្លៀកពាក់របស់អ្នកនឹងបង្ហាញអោយដឹងនូវអត្តចរឹកជាច្រើនរបស់អ្នក។ រឿងនេះមិនមែនមានន័យថា អ្នកគួរតែស្លៀកពាក់យ៉ាងណាអោយដូចតារាភាពយន្តគ្រប់ពេលនោះទេ ប៉ុន្តែ ចូរចៀសវាងការស្លៀកពាក់ណាដែលអាក្រក់មើលដូចជា ការពាក់ស្បែកជើងកីឡាជាមួយខោខ្លី។ អ្នកប្រហែលជាមិនដឹងអំពីរឿងនេះទេមើលទៅ ប៉ុន្តែ វាគឺជារបៀបដែលមនុស្សស្រីចូលចិត្តកត់សម្គាល់ណាស់។

ទំនុកចិត្ត
មនុស្សស្រីចូលចិត្តមនុស្សប្រុសណាដែលមានភាពអង់អាចក្លាហាន ស្មោះត្រង់ និងមានទំនុកចិត្តលើខ្លួនឯងចំពោះទស្សនៈ និងគំនិតយោបល់។ ក្នុងពេលចាប់ផ្តើមនិយាយសន្ទនាគ្នា នាងច្បាស់ជាព្យាយាមចង់ដឹងថាតើអ្នកមានទំនុកចិត្តលើខ្លួនឯងខ្លាំងប៉ុណ្ណា និងមានបំណងចង់ខិតទៅរកអ្វីមួយបែបវិជ្ជមាន ឬអវិជ្ជមានជាមិនខាន។ ដូច្នេះ អ្នកគួរតែធ្វើអ្វីៗបែបវិជ្ជមាន និងដាក់ខ្លួនបន្តិចខណៈពេលនិយាយជាមួយមនុស្សស្រី ប៉ុន្តែ ត្រូវតែមានគោលគំនិតឆ្ពោះទៅរកអ្វីៗដែលអ្នកកំពុងតែនិយាយផង។ ទោះបីជាយ៉ាងនេះក្តី មិនត្រូវព្យាយាមដឹកនាំការសន្ទនាមុនឡើយ និយាយរួមចូរកុំធ្វើខ្លួនជាមនុស្សឆ្លាតអោយសោះ។

ការទំនាក់ទំនង
មនុស្សស្រីនឹងអាចយល់ថា អ្នកជាមនុស្សដែលគួរអោយធុញទ្រាន់បាន បើសិនជាអ្នកមិនអាចរក្សាការនិយាយគ្នាជាមួយនាងបានយូរ។ ដូច្នេះ ចូរធ្វើយ៉ាងណារក្សាការយកចិត្តទុកដាក់ចំពោះនាងអោយបាន និងអោយអ្វីៗមានភាពរស់រវើក។ កាលណាមានទំនាក់ទំនងកាន់តែច្រើន អ្នកនឹងបានដឹងអំពីនាងក៏កាន់តែច្រើនដែរ។ នាងប្រហែលជាកត់សម្គាល់ទៅលើជំនាញធ្វើទំនាក់ទំនងរបស់អ្នកហើយ ដូច្នេះ ចូរធ្វើខ្លួនឯងជាមនុស្សដែលប៉ិននិយាយ និងចៀសវាងការក្រអឺតក្រទម។

កំប្លែង
មនុស្សស្រីចូលចិត្តបុរសណាដែលមានភាពកំប្លែង និងអាចធ្វើអោយពួកនាងសើចបាន។ មនុស្សប្រុសប្រភេទនេះពិតជាមានការពេញនិយមខ្លាំងណាស់ចំពោះស្ត្រី ហើយក៏យល់ថាមានផាសុខភាពផងដែរ។ ចូរចាប់ផ្តើមនូវការនិយាយគ្នាបន្តិចបន្តួច និងកត់សម្គាល់នូវអ្វីដែលកំប្លែងខ្លះផង។ ចូរចៀសវាងការនិយាយកំប្លែងបែបអាសអាភាសក្នុងពេលនិយាយគ្នាដំបូង៕

Health.com.kh

មុន បន្ទាប់

មតិយោបល់