អ្នកគេងស្រមុក គួរគេងផ្អៀង

អ្នកគេងស្រមុក គួរគេងផ្អៀង

ការគេងស្រមុករ៉ាំរ៉ៃអាចប៉ះពាល់រហូតដល់ទៅ ៤៥ ភាគរយនៃមនុស្សពេញវ័យ ហើយអាចជាមូលហេតុនៃបញ្ហារាងកាយ និងផ្នែកអារម្មណ៍។ ការស្រមុកអាចជាបញ្ហាធ្ងន់ធ្ងរ។

ប្រសិនបើអ្នក ឬដៃគូររបស់អ្នកមានបញ្ហានេះ សូមទទួលយកវិធានការបង្ការខាងក្រោមនេះ ដែលវានឹងអាចជួយធានាបានថា អ្នកអាចសម្រាកបានយ៉ាងល្អ។ របៀបក្នុងការគេង ក៏អាចជាវិធីមួយផងដែរ។ បើអ្នកគេងផ្ងារ ចូរដាក់ខ្នើយអោយបានច្រើនហើយលើកខ្លួនអ្នកឡើងនៅលើគ្រែជាជាងការគេងរាបផ្ងារ។ លើកក្បាលគ្រែអោយខ្ពស់បន្តិច។

ព្យាយាមគេងផ្អៀង ហើយយកល្អ អ្នកមិនគួរគេងផ្ងារទេ ព្រោះនៅក្នុងការគេងបែបនេះ អណ្តាត និងក្រអូមមាត់ទន់ផ្នែកខាងក្រោយនឹងធ្លាក់ទៅទល់នឹងផ្នែកខាងក្រោយនៃបំពង់ក ដែលជាហេតុនឹងធ្វើអោយរាំងខ្ទប់ដល់ផ្លូវដង្ហើមរបស់អ្នក។

សាកល្បងដាក់គ្រាប់បាល់បីបួនគ្រាប់ដេរដាក់លើខ្នងនៃអាវគេងយប់របស់អ្នក ដើម្បីធ្វើអោយមានភាពមិនស្រួលក្នុងការគេងផ្ងារ នោះអ្នកនឹងអាចគេងផ្អៀងបានយ៉ាងល្អ៕

ប្រភព: Health.com.kh

មុន បន្ទាប់

មតិយោបល់