រឿងមួយចំនួនដែលមនុស្សឆ្លាតមិនធ្វើ

រឿងមួយចំនួនដែលមនុស្សឆ្លាតមិនធ្វើ

តើអ្នកគិតដូចម្តេចទៅនៅពេលអ្នកលឺថាមានមនុស្សម្នាក់ជាមនុស្សឆ្លាត? អ្នកប្រហែលជាស្រមៃខ្លួនឯងថា គេប្រហែលជាមនុស្សដែលមានបញ្ញាឈ្លាសវៃហើយ។ ប៉ុន្តែការដែលធ្វើខ្លួនជាមនុស្សឆ្លាតគឺមានរឿងអ្វីៗច្រើនណាស់ដែលត្រូវនិយាយ ព្រមទាំងអ្វីដែលលើសពីពិន្ទុខ្ពស់ទៀតផង។ មនុស្សឆ្លាតក៏មានចិត្តមេត្តា, ចូលចិត្តស្រមើស្រមៃ, ដាក់ខ្លួន និងបង្ហាញភាពកត្តញ្ញូដែរ។ ពួកគេមើលខ្លួនថាដូចជាកំទេចមួយដុំដ៏តូចរបស់សង្គមដ៏ធំមួយ ហើយពួកគេដឹងថា ពួកគេមានសមត្ថភាពក្នុងការធ្វើរឿងដ៏អស្ចារ្យជាច្រើន។ ប៉ុន្តែមានរឿងមួយចំនួនដែលមនុស្សឆ្លាតមិនធ្វើដូចជា៖

មិនបណ្តោយអោយបញ្ហាកាលពីអតីតកាលប៉ះពាល់ដល់ស្ថានភាពបច្ចុប្បន្ន
មនុស្សឆ្លាតដឹងថា ការបរាជ័យគឺជាផ្នែកមួយដ៏សំខាន់នៃការលូតលាស់។ មនុស្សច្រើនណាស់ដែលបណ្តោយអោយរឿងកាលពីមុនៗរំខានដល់ពួកគេមិនអោយទទួលបានអ្វីដែលអស្ចារ្យក្នុងពេលបច្ចុប្បន្ន និងអនាគត ប៉ុន្តែមនុស្សបែបនេះមិនមែនជាមនុស្សឆ្លាតទេ។ ពួកគេត្រូវចាត់ទុកអ្វីដែលជាអតីតកាលដាក់មួយដុំ ដោយសារតែពួកគេដឹងថា អ្វីដែលកើតឡើងគឺវាបានកើតឡើងរួចទៅហើយ។ អ្វីដែលពួកគេការបន្ថែមនោះគឺធ្វើយ៉ាងណាឆ្លៀតឱកាសដើម្បីពង្រឹងខ្លួនឯង និងមានភាពកាន់តែប្រសើរជាងមុន។

មិនផ្តោតទៅលើអ្វីដែលអវិជ្ជមាន
មនុស្សឆ្លាតដឹងថា ពួកគេអាចគ្រប់គ្រងគំនិតពួកគេបាន។ ពួកគេជ្រើសរើសនូវការផ្តោតទៅលើការគិតដែលវិជ្ជមាន។ មនុស្សឆ្លាតជឿទាំងពេញចិត្តថា អ្វីទៅដែលក្នុងចិត្តអាចស្រមៃដឹង ពេលនោះវាក៏អាចទទួលបានការស្រមៃនោះដែរ។ ពួកគេដឹងថា ជីវិតនឹងកាន់តែងាយស្រួល និងកាន់តែរីករាយនៅពេលពួកគេចេះធ្វើខ្លួនអោយធម្មតា, អាចមានការស្រមើស្រមៃ, ភាពអស្ចារ្យ, ការបង្កើតថ្មី, និងសេចក្តីស្រឡាញ់។

មិនអោយកើតចេញពីបញ្ហារបស់ពួកគេ
យើងទាំងអស់គ្នាសុទ្ធតែមានបញ្ហា។ ខណៈពេលដែលវាគឺជាការងារ, លុយកាក់, គ្រួសារ, សុខភាព។ល។ មនុស្សដែលឆ្លាតត្រូវប្រឈមមុខនឹងបញ្ហាជាច្រើននៅនឹងមុខ។ ពួកគេត្រូវស្វែងរកដំណោះស្រាយចំពោះបញ្ហាទាំងអស់នោះដោយខ្លួនឯង។ នៅពេលមនុស្សឆ្លាតមានភាពភ្លាត់ស្នៀត ពួកគេចេះក្រោកឈរវិញ ហើយដើរអោយដល់ផ្លូវដែលត្រឹមត្រូវ។ ពួកគេមានសេចក្តីក្លាហានប្រឈមមុខនឹងភាពភ័យខ្លាចរបស់ខ្លួន និងប៉ះប៉ូវបញ្ហានីមួយៗដើម្បីអោយទទួលបានភាពរីកចម្រើនវិញ។

មិនបារម្ភអំពីអ្នកដទៃគិតអំពីខ្លួន
មនុស្សឆ្លាតមិនបណ្តោយអោយគំនិតអវិជ្ជមានរបស់អ្នកដទៃកំណត់លើជីវិតរស់នៅដែលពោរពេញទៅដោយសុភមង្គល និងក្តីប៉ងប្រាថ្នារបស់ពួកគេបានទេ។ លើលោកនេះតែងតែមានហើយអ្នកដែលចូលចិត្តសង្ស័យ, អ្នកស្អប់ និងមនុស្សអាត្មានិយម។ ប៉ុន្តែមនុស្សដែលឆ្លាតមិនខ្វល់អំពីពួកមាត់ចាបមាត់ព្រាបអស់នេះទេ។

មិនបង្ហិនពេលវេលា
មនុស្សឆ្លាតបង្កើតនូវពេលវេលាច្រើនបំផុតសម្រាប់ពួកគេ។ ពួកគេបង្កើតនូវទម្លាប់ដ៏មានប្រយោជន៍ដែលអាចអោយពួកគេធ្វើកាន់តែឆ្លាតវៃនិងមិនកាន់តែពិបាក។ ពួកគេមិនចំណាយពេលវេលាអត់ប្រយោជន៍ទៅលើគោលដៅដែលគ្មានន័យនោះទេ។ ពួកគេក៏អាចរៀបចំនូវតម្រូវការដើម្បីអោយមានតុល្យភាពការងារព្រមទាំងមិនប៉ះពាល់ដល់ផ្លូវចិត្តទៀត៕