៥ ចំណុចដើម្បីបាន “ក្លៀក” រលោង និងសស្អាត

៥ ចំណុចដើម្បីបាន “ក្លៀក” រលោង និងសស្អាត

វីធីទី ១ ៖ ការដុះលាងជាមួយស្ករ និងក្រូចឆ្មារ
លាយស្ករ ២ ស្លាបព្រាកាហ្វេជាមួយនឹងក្រូចឆ្មារមួយផ្លែតូចល្មម។ លាយវាអោយសព្វ រួចលាបទៅលើក្លៀករបស់អ្នក ហើយទុកវាអោយស្ងួតប្រហែល ១០ នាទី។ នៅពេលដែលវាស្ងួតហើយ ចូរអ្នកដុសស្រាលៗប្រហែល២ នាទីទៀត ទើបលាងសម្អាតជាមួយនឹងទឹកក្តៅឧណ្ឌៗ។ ការធ្វើបែបនេះអាចជួយជម្រុះកោសិកាចាស់ៗ និងសម្លាប់បាក់តេរីដែលជាប់នៅក្នុងស្បែកក្លៀករបស់អ្នក និងធ្វើអោយស្បែកមើលទៅភ្លឺរលោង។

វីធីទី ២ ៖ ចំនិតដំឡូងបារាំង
ចិតដំឡូងបារាំងជាចំនិតៗ រួចលាយជាមួយនឹងទឹកប្រហែល ២ នាទី។ យកចំនិតនោះចេញពីទឹក ហើយដុសវានៅលើក្លៀក។ ដំឡូងអាចជួយស្បែកក្លៀករបស់អ្នកបាន។

វីធីទី ៣ ៖ ម៉ាស្សាជាមួយប្រទាលកន្ទុយក្រពើ
លាបជ័រដែលហូរចេញពីប្រទាលកន្ទុយក្រពើជារង្វង់ប្រហែល ៥ នាទី បន្ទាប់មកលាងសម្អាតជាមួយនឹងទឹកក្តៅឧណ្ឌៗ។ វាអាចជួយយកកំណកខ្មៅៗនៅលើក្លៀករបស់អ្នក និងជួយអោយក្លៀកអ្នកសស្អាត។

វីធីទី ៤ ៖ ម៉ាស្សាជាមួយនឹងប្រេងដូង និងប្រេងអាល់ម៉ុង
មុនពេលងូតទឹក អ្នកអាចម៉ាស្សាជាមួយប្រេងដូង ឬប្រេងអាល់ម៉ុងប្រហែល ១០ នាទីជាប្រចាំថ្ងៃ។ ប្រេងដូង ឬប្រេងអាល់ម៉ុងមានផ្ទុកនូវវីតាមីន E ដែលវាជួយក្នុងការផ្គត់ផ្គង់ និងធ្វើអោយក្លៀកអ្នករលោងស្អាត។

វីធីទី ៥ ៖ គឺជាអ្វីដែលអ្នកគួរជៀសវាង
1.    កុំកោររោមក្លៀក ព្រោះវាធ្វើអោយស្បែកអ្នកកាន់តែគ្រើម និងខ្មៅ។
2.    ជៀសវាងការប្រើក្រែមដើម្បីដករោមក្លៀក ព្រោះក្រែមទាំងនោះមានផ្ទុកសារធាតុគីមីដ៏អាក្រក់ ដែលអាចធ្វើអោយស្បែករបស់អ្នកខ្មៅ។
3.    ជៀសវាងការស្លៀកសំលៀកបំពាក់តឹងញឹកញាប់ពេក ព្រោះវាអាចបណ្តាលអោយបែកញើស និងកកិត។
4.    កុំបាញ់ស្ប្រៃដោយផ្ទាល់ទៅលើស្បែក ព្រោះវាអាចបង្កអោយមានកន្ទួល រលាក និងខ្មៅស្បែក។
5.    ជៀសវាងសាប៊ូដែលមានពណ៌ និងធ្វើអោយក្លៀកអ្នកសើម៕
ប្រភព៖ Health.com.kh

មុន បន្ទាប់

មតិយោបល់