គ្រាប់ជីល្អបំផុតសម្រាប់សុខភាព

គ្រាប់ជីល្អបំផុតសម្រាប់សុខភាព

មានប្រភពមកពីទ្វីបអាមេរិកខាងត្បូងដែលគេឃើញមានច្រើនបំផុតដុះលើដែនដី ភាគខាងត្បូងប្រទេសម៉ិកស៊ិក និង ប្រទេសហ្គាតេម៉ាឡាគ្រាប់ធញ្ញជាតិឈ្មោះ Chia ឬ គ្រាប់ជី ត្រូវបានក្រុមអ្នកបច្ចេកទេសខាងម្ហូបអាហារអះអាងថា ជាអាហារដែលមានគុណប្រយោជន៍ជាងគេបំផុតនៅលើពិភពលោកសម្រាប់សុខភាព។

Chia Seeds

អាចរីកមាឌនៅពេលដាក់លាយជាមួយសារធាតុរាវ គ្រាប់ជីខាងលើមានប្រភពមកពីដើម Salvia Hispanica ដែលមានដុះច្រើនបំផុតនៅលើទឹកដីប្រទេសទាំងពីរខាងលើ។ ទោះបីជាអ្នកស្រាវជ្រាវម្ហូបអាហារទើបនឹងរកឃើញក៏ពិតមែន តែគ្រាប់ធញ្ញជាតិមួយនេះត្រូវបានចរាចរណ៍ដាក់លក់ជាទូទៅនៅលើទីផ្សារសម្រាប់លាយជាមួយភេសជ្ជៈ ឬ បង្អែមជាដើម។

តាមការអះអាងរបស់អ្នកស្រាវជ្រាវម្ហូបអាហារ គ្រាប់ជីមានផ្ទុកសារធាតុចិញ្ចឹមខ្ពស់ជាងគ្រាប់ធញ្ញជាតិផ្សេងៗទៀតនៅជុំវិញពិភពលោកដែលរួមមាន ជាតិសរសៃ ផ្ទុកប្រូតេអ៊ីនខ្ពស់ជាងគេ មានផ្ទុកសារធាតុ អូមីកា៣ (Omega-3 ) និងសារធាតុចិញ្ចឹមសម្រាប់ការពារដល់ខួរឆ្អឹង។ ក្រៅពីនេះ វាក៏មានគុណប្រយោជន៍ផងដែរសម្រាប់ទប់ស្កាត់ជំងឺជាច្រើនមុខទៀតក្នុងនោះមានដូចជា ជួយសម្រកទម្ងន់ ជួយសម្រួលសម្ពាធឈាមរត់ កាត់បន្ថយជំងឺគាំងបេះដូង ជួយផ្ដល់កម្លាំងពេលហាត់ប្រាណ និងឈឺចុកចាប់ឆ្អឹងឆ្អែងផងដែរ។
ប្រភពសប្បាយ

មុន បន្ទាប់

មតិយោបល់