មុខរបរ ៤យ៉ាង អាចបង្កើនគ្រោះថ្នាក់ជំងឺមហារីក

មុខរបរ ៤យ៉ាង អាចបង្កើនគ្រោះថ្នាក់ជំងឺមហារីក

ភាគច្រើនយើងទាំងអស់គ្នា តែធ្វើការកំណត់ ក្នុងការ ការពារខ្លួនយើងពី ជំងឺមហារីកផ្សេងៗ ដោយការ គេចចេញពី មនុស្សដែលជក់បារី នៅតាមផ្លូវ , បន្ថែមបរិមាណខ្ទឹមស ទៅក្នុងរបបអាហារប្រចាំថ្ងៃ និង តែងធ្វើការកំណត់ចំណាំ ក្នុងការធ្វើការពិនិត្យសុដន់ ជារៀងរាល់ខែ ។ បើទោះជាអ្នក បានធ្វើនូវរឿងទាំង អស់នេះក្តី ក៏ពួកយើងនៅតែអាច មានការភ្ញាក់ផ្អើល ទៅនឹង ការពិតមួយដែលថា យើងម្នាក់ៗអាចនឹង ប្រឈម មុខខ្ពស់ ទៅនឹងមហារីកបាន ដោយសារតែ ប្រភេទនៃការងារដែលយើងធ្វើ។

ខាងក្រោមនេះ គឺជាមុខរបរ ៤យ៉ាង ដែលអាចនឹងបង្កើនគ្រោះថ្នាក់របស់អ្នក ក្នុងការប្រឈម ទៅនឹង មហារីក និង មូលហេតុបង្ករបស់វា ៖

១. អ្នកបម្រើការងារលើយន្តហោះនិង គិលានុបដ្ឋាកយិកា

ការសិក្សាស្រាវជ្រាវមួយ ដែលបានធ្វើឡើងដោយ ភ្នាក់ងារអន្តរជាតិ ដែលធ្វើការសិក្សាពីជំងឺមហារីក បានរាយការណ៍ថា ស្ត្រីដែលធ្វើការផ្លាស់វេន គឺមានឱកាសខ្ពស់ ក្នុងការប្រឈមទៅនឹង ការកើតមានមហារីកសុដន់ ។ ការសិក្សាបន្ថែមទៀត ក៏ត្រូវបានធ្វើឡើងផងដែរ ដើម្បីកំណត់អោយបានថា តើការ ផ្លាស់ប្តូរគម្រូនៃពេលវេលាសម្រាក នៅក្នុងពេលយប់ អាចជះឥទ្ធិពលទៅដល់ ការផលិត របស់ melatonin និង ជម្រុញអោយដុំសាច់ ធ្វើការដុះឡើង។

២. អ្នកធ្វើការនៅក្នុងហាងកែសម្ភស្សដូចជា អ្នកលាបថ្នាំសក់ និង ខាត់ស្បែក

វាជាការពិត ដែលផលិតផលមាន នៅក្នុងគ្រឿងកែសម្ភស្ស មានផ្ទុកនូវ សារជាតិគីមី ដែលអាច ធ្វើអោយ អតិថិជន និង អ្នកផ្តល់សេវាកម្មខាងផ្នែកនេះ អាចប្រឈមខ្ពស់ ទៅនឹងសារធាតុពុលទាំងនេះ ដោយសារ តែពួកគេ បានធ្វើការដកដង្ហើម និង ស្រង់ក្លិនសារធាតុគីមីទាំងនេះ ចូលទៅក្នុងខ្លួន។ វា ពិតជាជះឥទ្ធិពល បានយ៉ាងខ្លាំងក្លា ជាមួយនឹងក្រុមមនុស្ស ដែលត្រូវធ្វើការ ជាមួយពួកវា រាល់ថ្ងៃនោះ ។ ប៉ុន្តែ តើការលាបសក់ និង ប្តូរពណ៌ស្បែក ព្រមទាំង សារធាតុគីមី ដែលត្រូវបានរកឃើញ នៅក្នុង គ្រឿងកែសម្ភស្ស ពិតជាអាចធ្វើអោយអ្នកមាន មហារីកបានយ៉ាងប្រាកដ ឬ យ៉ាងណា? ភ្នាក់ងារ អន្តរជាតិ ដែលធ្វើការសិក្សាពីមហារីកនេះ បាននិយាយថា វាអាច នឹង ធ្វើអោយមនុស្សកើតមហារីកបានមែន ។ វិធីការពារដ៏ល្អនោះ គឺអ្នកអាចប្រើស្រោមដៃ ដើម្បីកាត់បន្ថយ ការប្រឈមដោយ ផ្ទាល់ទៅនឹង សារធាតុទាំងនោះ ហើយដំណឹងដ៏ល្អមួយទៀតនោះ គឺថា ផលិតផលគ្រឿងសម្អាង ភាគ ច្រើនត្រូវបាន គេធ្វើការដកចេញនូវសាធាតុផ្សំ គីមីដែលមានគ្រោះថ្នាក់ទាំងនោះចេញ ដែលអាចនឹង កាត់បន្ថយ នូវ ឱកាសប្រឈមរបស់អ្នកធ្វើការងារ នៅក្នុងហាងកែសម្ភស្សបាន ។

៣. អត្តពលករ និង អ្នកលើកដុំដែក

វាជាភាពជាក់ស្តែងមួយ ដែលគួរអោយភ្ញាក់ផ្អើល និង តក់ស្លុត ដោយសារតែមាន អត្តពលករនិងអ្នកលើកដុំដែក មួយចំនួន បានធ្វើការ ប្រើថ្នាំជំនួយកម្លាំង ដូចជា anabolic steroids និង អរម៉ូនសិប្បនិម្មិត ដើម្បីយកមក បង្កើន ថាមពលសាច់ដុំរបស់ពួកគេ។ ជាសំណាងអាក្រក់ steroids មានឥទ្ធិពលមិនល្អ ចំពោះរាងកាយ ជាងការដែល វាផ្តល់អត្ថប្រយោជន៍ដល់ យើងម្នាក់ៗ ។ ការប្រើពួកវា ក្នុងរយៈពេលយូរ ក៏អាចនឹងធ្វើអោយ យើងមាន មហារីកថ្លើមបានផងដែរ ។

៤. ជាងគំនូរ និង ក្រុមអ្នកសិល្បះដែលប្រឈមទៅនឹង ជាតិថ្នាំពណ៌ និង សារធាតុគីមី

ក្រុមអ្នកសិក្សាស្រាវជ្រាវ នៅមិនទាន់ដឹងនៅឡើយទេថា តើសមាសធាតុជាក់លាក់ណាមួយ ពិតប្រាកដ ដេលអាចនឹងធ្វើអោយ កោសិកាមហារីក លូតលាស់បាននោះទេ ។ តែទោះជាយ៉ាងណាក្តី ពួកគេបាន ទទួលស្គាល់ថា ក្រុមជាងគំនូរ គឺមានឱកាសប្រឈមនឹង ការកើតមាននូវ មហារីកសួត និង មហារីក ប្លោកនោម ជាងមនុស្សធម្មតា។ ការប្រឈមទៅនឹង សារធាតុ silica, asbestos និង សមាសធាតុផ្សេងៗទៀត ដែលអាចបង្កអោយមានមហារីក ក៏អាច ដាក់សម្ពាធអោយ មុខរបរ ជាជាង គំនូរនេះ ស្ថិតក្នុងប្រភេទក្រុមមនុស្សដែលប្រឈមនឹងមហារីកនេះ បានដែរ ៕