ការសម្រេចចិត្តរួមភេទជាលើកដំបូងគឺជាការសម្រេចចិត្តដ៏ធំបំផុតមួយ ហើយមនុស្សភាគ​ច្រើន​នឹង​ចង​ចាំ​វាជា​និច្ច។ នៅ​ក្នុង​ប្រពៃណី​ខ្មែ​រ​ ការ​រួម​ភេទ​ជា​ប្រធាន​បទ​មួយ​ ដែល​មិន​ទាន់​និយាយ​យ៉ាង​ចំហរ​នៅឡើយទេ។

មានរឿងច្រើនណាស់ដែលត្រូវគិតពេលអ្នកយល់បែបនេះដូចជា តើអ្នកបានត្រៀមខ្លួនរួចហើយឬនៅ​ហើយតើប្រាកដទេថាអ្នកបានការពារខ្លួនពីការមានផ្ទៃពោះដោយចៃដន្យ និងជំងឺកាមរោគ។

ចូរចាំថា យកល្អមិនត្រូវត្រូវដាក់សម្ពាធលើខ្លួនឯងក្នុងការធ្វើអ្វីមួយ ដែលអ្នកមិនចង់ធ្វើនោះទេ ព្រោះអ្នកមានសិទ្ធិគ្រប់​យ៉ាង​ សម្រាប់​ការរង​ចាំរ​ហូត​ដល់​អ្នក​ត្រៀម​ខ្លួន​រួច​ជា​ស្រេច​នៅ​ពេល​រួម​ភេទ។

ការរួមភេទអាចធ្វើអោយមនុស្សពីរនាក់កាន់តែមានភាពស្និទ្ធស្នាល ទាំងផ្លូវកាយ និងផ្លូវចិត្ត។ ការដាក់​សម្ពាធ​លើ​ខ្លួ​ន​ឯង ឬរួមភេទ​ដោយ​មិន​បាន​ត្រឹ​ម​ត្រូវ​ទំនង​ជា​ធ្វើ​អោយអ្នក​មាន​អារម្មណ៍​មិន​ស្រួលក្នុងចិត្តទៀត ។​ដូច្នេះអ្នកត្រូវតែនិយាយដោយបើកចំហជាមួយដៃគូរ របស់អ្នកអំពី៖

 អ្វីដែលធ្វើអោយអ្នកទំាងពីរមានអារម្មណ៍ល្អ

ការពន្យាកំណើតដែលអ្នកទាំងពីកំពុងតែប្រើប្រាស់

ការថប់អារម្មណ៍ទាំងឡាយដែលអ្នកមានក្នុងពេលរួមភេទជាលើកដំបូង

នៅពេលស្រ្តីរួមភេទដោយការសូកបញ្ចូលលិង្គក្នុងទ្វារមាសខ្លួនជាលើកដំបូង ពេលខ្លះអាចមានអារម្មណ៍ថាគ្មានផាសុខភាពទេ។ ស្រ្តីខ្លះ​អាច​នឹង​ហូរ​ឈាម​តាម​ទ្វា​មាស​ដោយ​សារ​តែ​ការ​រហែក​សន្ទះ​​ព្រហ្មចារីយ៍។

ការសូកបញ្ចូលលិង្គអាចជារឿងពិបាកសម្រាប់ដៃគូរទាំងពីរប្រសិនបើពួកគេមិនមានការស្រើបស្រាលគ្រប់គ្រាន់ ឬទ្វារមាសស្រ្តីស្ងួតពេក ប៉ុន្តែ​ការរួម​ភេទ​តែង​តែ​ក្លាយ​ទៅ​ជា​រឿង​ងាយ​ស្រួល និង​​មាន​ផាសុខភា​ពវិញនៅពេលក្រោយ។ ចូរចំណាយពេលអោយបានច្រើនដើម្បីប្រាកដថា អ្នកមានភាពស្រើបស្រាលគ្រប់គ្រាន់ និង​ប្រាប់​អោយ​គ្នា​ដឹង​ទៅវិញ​ទៅ​មក​ថា​អ្នក​ត្រៀម​ខ្លួន​រួច​ហើយ​មុន​ពេលសូកបញ្ចូលលិង្គ។ ដើម្បីអោយកាន់តែស្រួល អ្នកខ្លះក៏បានប្រើទឹករំអិលសិប្បនិមិត្តបន្ថែមទៀត៕

ប្រភព៖ Health.com.kh