ដកដង្ហើមឱ្យបានត្រឹមត្រូវដើម្បីសុខភាព

ដកដង្ហើមឱ្យបានត្រឹមត្រូវដើម្បីសុខភាព

ការដកដង្ហើមឱ្យបានត្រឹមត្រូវប្រហែលជាវិធីដែលងាយស្រួលបំផុតនិងមានអានុភាពបំផុតដើម្បីការពារសុខភាពរបស់អ្នក។ វាជួយធ្វើឱ្យការរំលាយអាហារនិងចរន្តឈាមដំណើរការល្អជាងមុន គេងបានលក់ស្រួលជាងមុន កាត់បន្ថយភាពព្រួយបារម្ភ និងមានអត្រាចង្វាក់បេះដូងថេរ។

ការប្រឈមមុខនឹងការស្ទះចរាចរណ៍ជាច្រើនម៉ោងនៅពេលដែលជូលីធ្វើដំណើររៀងរាល់ថ្ងៃ នាងបានចាប់ផ្តើមការអានពីការដកដង្ហើម។ នាងមានការភ្ញាក់ផ្អើលចំពោះគំនិតដែលថាការដកដង្ហើមដែលមនុស្សយើងគ្រប់គ្នាប្រព្រឹត្តគ្រប់ពេលអាចពង្រឹងបានយ៉ាងច្រើនដោយការប្រើគំនិតនិងការខំប្រឹងប្រែងតែបន្តិចប៉ុណ្ណោះ។ បច្ចុប្បន្ន ការដកដង្ហើមឱ្យបានត្រឹមត្រូវគឺជាវិធីសាស្ត្រសម្រាប់នាងក្នុងការបំបាត់ស្ត្រេសក្នុងកំឡុងពេលដែលនាងជាប់ក្នុងការស្ទះចរាចរណ៍។

ជូលី និយាយថា “យើងគ្រប់គ្នាសុទ្ធតែមានភាពតានតឹងក្នុងជីវិតរបស់យើង។ ប៉ុន្តែយើងមិនដឹងថាទំហំរបស់វាតិចឬច្រើនប៉ុណ្ណានោះទេ។ ការស្ទះចរាចរណ៍អាចធ្វើឱ្យភាពតានតឹងនោះកាន់តែច្រើនឡើង ហើយអាចផ្លាស់ប្តូរមនុស្សដែលឥតកង្វល់ក្នុងការរស់នៅម្នាក់ឱ្យទៅជាមនុស្សដែលពោរពេញទៅដោយកង្វល់និងភាពមិនរីករាយ”។

នាងនិយាយបន្តថា “ខ្ញុំដឹងព្រោះវាកើតឡើងលើរូបខ្ញុំផ្ទាល់។ នៅពេលដែលខ្ញុំបើកឡាននៅផ្លូវដែលកំពុងតែស្ទះចរាចរណ៍ ភាពស្ត្រេសក៏បានកើតឡើងដោយស្វ័យប្រវត្តិ។ ចង្វាក់បេះដូងរបស់អ្នកលោតញាប់ជាងមុន សាច់ដុំនៅកនិងដៃរបស់អ្នកចាប់ផ្តើមកន្ត្រាក់។ រាល់សាច់ដុំក្នុងរាង្គកាយរបស់អ្នកត្រៀមខ្លួនដើម្បីប្រឆាំងឬគេចវេស។ ប៉ុន្តែបញ្ហានោះគឺ អ្នកនឹងមិនប្រឆាំងឬគេចវេសនោះទេ។ អ្នកកំពុងស្ទះចរាចរណ៍ ហើយប្រសិនបើអ្នកមិនធ្វើអ្វីសោះទេនោះ ការឆ្លើយតបនឹងភាពតានតឹងនោះនឹងនៅក្នុងរាង្គកាយរបស់អ្នកជាច្រើនថ្ងៃឬច្រើនម៉ោងក៏ថាបាន”។

វិធីសាស្ត្ររបស់ជូលីគឺជាវិធីសាស្ត្រមួយដែលអ្នកជំនាញចូលចិត្ត៖ “ដកដង្ហើមវែងៗ។ បំពេញខ្យល់ក្នុងពោះរបស់អ្នកឱ្យឡើងប៉ោងដូចជាបាល់នៅពេលដែលអ្នកដកដង្ហើមចូល។ នៅពេលដែលអ្នកដកដង្ហើមចេញ ឱ្យពោះរបស់អ្នកសម្រាកយឺតៗ”។

ប្រភព៖ Health.com.kh

មុន បន្ទាប់

មតិយោបល់