សង្គ្រោះ អ្នកមានប្រតិកម្មអាលែកស៊ី ដោយវិធីណា?

សង្គ្រោះ អ្នកមានប្រតិកម្មអាលែកស៊ី ដោយវិធីណា?

អាលែកស៊ី (អាណាហ្វីឡាក់ទិច)អាចបណ្តាលអោយមានគ្រោះថ្នាក់ដល់អាយុជីវិតបាន ដោយសារតែវាអាចធ្វើអោយថយចុះសម្ពាធឈាមមួយរំពេចនិងមានបញ្ហាក្នុងការដកដង្ហើម។ មនុស្សដែលមានអាលែកស៊ីការមានប្រតិកម្មអាចកើតឡើងមួយភ្លាមៗ បន្ទាប់ពីការប៉ះពាល់ទៅនឹងសារធាតុដែលបង្កអោយមានប្រតិកម្មអាលែកស៊ី។ ក្នុងករណីខ្លះការមានប្រតិកម្មអាចកើតមានយឺតបន្តិច។ប្រសិនបើអ្នកបានជួបនឹងនរណាម្នាក់ដែលមានរោគសញ្ញានៃប្រតិកម្មអាណាហ្វីឡាក់ទិចសូមអនុវត្តដូចខាងក្រោមនេះ ៖

ហៅទូរស័ព្ទភ្លាមទៅលេខសង្គ្រោះបន្ទាន់ក្នុងតំបន់ ដែលនៅជិតអ្នកបំផុត។
អោយអ្នកជំងឺនៅតែបន្តគេងផ្ងារ។
បន្ធូរសម្លៀកបំពាក់ដែលតឹង និងគ្របភួយអោយអ្នកជំងឺ។ កុំអោយអ្នកជំងឺផឹកអ្វីទាំងអស់។
បើមានក្អួត ឬហូរឈាមចេញពីមាត់ បែរគេទៅម្ខាងដើម្បីការពារការឈ្លក់។
បើមិនមានសញ្ញាណាមួយនៃការដកដង្ហើម ឬក្អក ឬមិនចលនាទេនោះ សូមចាប់ផ្តើមជួយសង្គ្រោះបេះដូង និងសួតដល់អ្នកជំងឺ។ ធ្វើការសង្កត់ទ្រូងប្រហែល ១០០ដងក្នុងមួយនាទី រហូតវេជ្ជបណ្ឌិតបានមកដល់។
ទទួលយកការព្យាបាលសង្គ្រោះបន្ទាន់សូម្បីតែរោគសញ្ញាទើបតែចាប់ផ្តើម ល្អប្រសើរក៏ដោយ។ ការសម្រាកនៅក្នុងមន្ទីរពេទ្យរយៈច្រើនម៉ោងជាធម្មតា គឺជាការចាំបាច់។

ប្រសិនបើអ្នកបានជួបនឹងនរណាម្នាក់ដែលមានសញ្ញានៃអាណាហ្វីឡាក់ទិចសូមកុំរង់ចាំមើល អោយរោគសញ្ញាបានល្អប្រសើរជាងមុន។ ស្វែងរកការព្យាបាលសង្គ្រោះបន្ទាន់អោយបាន លឿនបំផុត។ ក្នុងករណីធ្ងន់ធ្ងរ បើអ្នករងគ្រោះមិនបានទទួលការព្យាបាលទេ វាអាចនាំទៅរកសេចក្តីស្លាប់ក្នុងរយៈពេលកន្លះម៉ោង៕
ប្រភព៖ health.com.kh

មុន បន្ទាប់

មតិយោបល់