ស្ត្រីមានផ្ទៃពោះ ត្រូវតែចាក់វ៉ាក់សាំងជំងឺផ្តាសាយ

ស្ត្រីមានផ្ទៃពោះ ត្រូវតែចាក់វ៉ាក់សាំងជំងឺផ្តាសាយ

ក្រុមគ្រូពេទ្យផ្នែកសម្ភព និងរោគស្ត្រីក្នុងសហរដ្ឋអាមេរិក កំពុងតែប្រាប់ថា គ្រប់ស្ត្រីមានផ្ទៃពោះទាំងអស់ គួរតែចាក់វ៉ាក់សាំងជំងឺផ្តាសាយ។

ការស្រាវជ្រាវជាច្រើនបានបង្ហាញថ្មីៗពីសុវត្ថិភាព និងប្រសិទ្ធភាពនៃការចាក់វ៉ាក់សាំងជំងឺផ្តាសាយអំឡុងពេលមានផ្ទៃពោះ។

វេជ្ជបណ្ឌិត ឡូរ៉ា រីលៃ (Laura Riley) បាននិយាយថា មេរោគផ្តាសាយឆ្លងខ្លាំង និងអាចគ្រោះថ្នាក់បំផុត ចំពោះស្ត្រីមានផ្ទៃពោះ។

គាត់បានផ្តល់ដំបូន្មានថា ការចាក់វ៉ាក់សាំងជារៀងរាល់ឆ្នាំការចាក់ពេលដែលរដូវផ្តាសាយមកដល់ និងដំណាក់កាលនានានៃការមានផ្ទៃពោះ គឺជាជំហានល្អបំផុតនៃការការពារ។

ពេលវេលាដែលល្អបំផុតដើម្បីទទួលវ៉ាក់សាំងផ្តាសាយ គឺមុនការមកដល់នៃរដូវផ្តាសាយដោយមិនមើលពីដំណាក់កាលនៃការមានផ្ទៃពោះឡើយ។

គ្រប់ស្ត្រីទាំងអស់ដែលមានផ្ទៃពោះ ឬនឹងមានផ្ទៃពោះអំឡុងពេលរដូវផ្តាសាយ គួរតែទទួលវ៉ាក់សាំងផ្តាសាយមិនសូវសកម្ម ដែលវ៉ាក់សាំងនេះ គឺផ្តល់សុវត្ថិភាពចំពោះស្ត្រីដែលនឹងសម្រាលកូន និងអ្នកដែលកំពុងតែបំបៅកូនដោយទឹកដោះ។

មុននឹងការឆ្លងនៃជំងឺផ្តាសាយជ្រូក H1N1ក្នុងឆ្នាំ២០០៩អត្រានៃការចាក់វ៉ាក់សាំងចំពោះស្ត្រីមានផ្ទៃពោះ គឺមានតែ១៥ ភាគរយប៉ុណ្ណោះ។ អត្រានេះបានកើនដល់ទៅ៥០ ភាគរយក្នុងឆ្នាំ២០០៩-២០១០ហើយត្រូវបានធ្វើឡើងជុំវិញរដូវផ្តាសាយ។ ទោះបីជាយ៉ាងណាក៏ដោយអត្រានៃការចាក់វ៉ាក់សាំង គួរតែខ្ពស់ជាងនេះ។

ការចាក់វ៉ាក់សាំងជំងឺផ្តាសាយគឺមិនត្រឹមតែការពារស្ត្រីមានផ្ទៃពោះប៉ុណ្ណោះទេ ប៉ុន្តែ វាក៏ការពារកូនរបស់ពួកគេផងដែរ។ ទារកមិនអាចទទួលបានវ៉ាក់សាំងរហូតដល់ពួកគេមានអាយុ៦ខែ ប៉ុន្តែអាចទទួលអង់ទីករនៃជំងឺផ្តាសាយពីម្តាយដែលត្រូវបានចាក់វ៉ាក់សាំង ខណៈដែលទារកនោះនៅក្នុងផ្ទៃម្តាយ។ នេះអាចផ្តល់អោយពួកគេជាមួយនឹងការការពាររហូតដល់ពួកគេអាចត្រូវបានទទួលវ៉ាក់សាំងដោយផ្ទាល់តែម្តង។

ការណែនាំនេះត្រូវបានចេញផ្សាយនៅក្នុងកាសែត Obstetrics & Gynecology៕ - chhay
ប្រភព៖health.com.kh

មុន បន្ទាប់

មតិយោបល់