វិធីការពារជំងឺដាច់សរសៃឈាមខួរក្បាល

វិធីការពារជំងឺដាច់សរសៃឈាមខួរក្បាល

តើអ្នកចង់បន្ថយហានិភ័យជំងឺដាច់សរសៃឈាមខួរក្បាលដែរឬទេ? ការណែនាំថ្មីពីសមាគមន៍ជំងឺស្ត្រូក និងសមាគមន៍ជំងឺបេះដូងអាមេរិច បានជម្រុញយ៉ាងខ្លាំងថា “របៀបនៃការរស់នៅ” គឺជារឿងសំខាន់។

ការណែនាំថ្មីផ្តល់ដំបូន្មានអោយមនុស្សធ្វើលំហាត់ប្រាណរក្សាសម្ពាធឈាម និងញ៉ាំអាហារដែលល្អដល់សុខភាពដែលរួមមាន ផ្លែឈើបន្លែគ្រាប់ធញ្ញជាតិ គួបផ្សំជាមួយនឹងសាច់ត្រីជាដើម។

វេជ្ជបណ្ឌិត ជេម ម៉េសសៀ (James Meschia) បាននិយាយថា យើងមានឱកាសដ៏ធំដើម្បីផ្តល់ភាពប្រសើរឡើងដល់វិធីដែលយើងការពារជំងឺដាច់សរសៃឈាមខួរក្បាលថ្មី ដោយសារតែកត្តាហានិភ័យដែលអាចត្រូវបានផ្លាស់ប្តូរ ឬគ្រប់គ្រង ជាពិសេសទៅលើសម្ពាធឈាមខ្ពស់ ដែលមានប្រហែលជា៩០ ភាគរយនៃជំងឺដាច់សរសៃឈាមខួរក្បាល។

ការណែនាំនោះ រួមមាន ៖

ញ៉ាំបន្លែផ្លែឈើអោយបានគ្រប់គ្រាន់ និងកំណត់ការញ៉ាំខ្លាញ់ឆ្អែត ដូចជាសាច់ក្រហម និងប័រជាដើម
តាមដានសម្ពាធឈាមនៅផ្ទះជាមួយនឹងឧបករណ៍វាស់សម្ពាធឈាមអេឡិចត្រូនិច និងជៀសវាងការវិវត្តទៅជាលើសសម្ពាធឈាមដោយការធ្វើលំហាត់ប្រាណញ៉ាំអោយបានត្រឹមត្រូវ និងជៀសវាងការឡើងទម្ងន់។ ធ្វើការពិនិត្យសម្ពាធឈាមដោយគ្រូពេទ្យជារៀងរាល់ឆ្នាំ។ ប្រសិនបើអ្នកប្រើថ្នាំលើសឈាម ហើយវាមិនមានប្រសិទ្ធភាពនោះសូមសួរគ្រូពេទ្យអំពីបញ្ហានេះ។
កំណត់ការញ៉ាំប្រៃ
កុំជក់បារី។ ការជក់បារី និងការប្រើថ្នាំគ្រាប់ពន្យារកំណើត បង្កើនហានិភ័យជំងឺដាច់សរសៃឈាមខួរក្បាល។ ហើយក៏សូមជៀសវាងការហឺតផ្សែងបារីផងដែរ។

វេជ្ជបណ្ឌិត Meschia បាននិយាយថា ការនិយាយអំពីវិធីការពារជំងឺដាច់សរសៃឈាមខួរក្បាល គឺជារឿងមួយមានតម្លៃ។ ក្នុងករណីជាច្រើនជំងឺដាច់សរសៃឈាមខួរក្បាល មិនបណ្តាលអោយស្លាប់ទេ ប៉ុន្តែវានាំអោយមានផលប៉ះពាល់ដល់រាងកាយអារម្មណ៍ និងផ្លូវចិត្តបាន៕
ប្រភព៖health.com.kh

មុន បន្ទាប់

មតិយោបល់