ជារឿយៗស្ត្រីមិនខ្វល់ពី“បញ្ហាបេះដូង” ឡើយ

ជារឿយៗស្ត្រីមិនខ្វល់ពី“បញ្ហាបេះដូង” ឡើយ

ចំពោះជំងឺបេះដូងការស្រាវជ្រាវថ្មីមួយបានរកឃើញថា ស្ត្រីហាក់ដូចជាពន្យារការថែទាំយូរជាងបុរសនៅពេលដែលពួកគេមានរោគសញ្ញាដែលបញ្ជាក់ថាមានបញ្ហានេះ។

វេជ្ជបណ្ឌិត កាធឺរីន គ្រេអាតសូឡាស (Catherine Kreatsoulas) បាននិយាយថា គ្រោះថ្នាក់ចម្បង គឺថា នៅពេលដែលមនុស្សម្នាក់ចូលមន្ទីរពេទ្យ ដោយសារដំណាក់កាលធ្ងន់ធ្ងរនៃជំងឺបេះដូងវាមានជម្រើសតិចតួចដែលត្រូវធ្វើការព្យាបាល។

នៅក្នុងការស្រាវជ្រាវអ្នកស្រាវជ្រាវបានពិភាគ្សាជាមួយអ្នកជំងឺដែលស្វែងរកការព្យាបាលចំពោះការឈឺទ្រូង និងកំពុងតែរង់ចាំការថតសរសៃឈាមដើម្បីមើលពីសញ្ញានៃជំងឺសរសៃឈាមបេះដូង។ ការឈឺទ្រូង កើតមានឡើងនៅពេលដែលបេះដូងមិនមានឈាម ឬអុកស៊ីសែនគ្រប់គ្រាន់នៅពេលដែលវាត្រូវការនោះទេដោយសារតែស្ទះសរសៃឈាមបេះដូង។

អ្នកស្រាវជ្រាវបានរកឃើញថា បុរសមានប្រតិកម្មលឿននៅពេលដែលពួកគេវិវត្តមានរោគសញ្ញាទាំងនេះ ហើយឆាប់រកការព្យាបាល។

វេជ្ជបណ្ឌិត Kreatsoulasបាននិយាយថា ស្ត្រីពន្យារពេលច្រើនហើយមានអារម្មណ៍ថា រោគសញ្ញានឹងបាត់ទៅវិញ និងប្រសើរទៅវិញដោយខ្លួនឯង។ នៅពេលដែលស្ត្រីមានអារម្មណ៍ថាមានភាពប្រសើរឡើងបន្តិចពួកគេហាក់ដូចជាព្រងើយកន្តើយនឹងបញ្ហានេះ៕

ប្រភព៖health.com.kh

មុន បន្ទាប់

មតិយោបល់