កូនស្រីភ្លើតភ្លើនរហូតមានផ្ទៃពោះ ម្តាយមានអារម្មណ៍បែបណា?

កូនស្រីភ្លើតភ្លើនរហូតមានផ្ទៃពោះ ម្តាយមានអារម្មណ៍បែបណា?

មានផ្ទៃពោះទាំងវ័យក្មេង អាចក្លាយទៅជាបទពិសោធន៍ជីវិតដ៏ជូរចត់ និងពិបាកបំភ្លេចជាងគេបំផុត។ ចុះចំណែកអ្នកម្តាយវិញ អ្នកនឹងមានអារម្មណ៍បែបណា? គួរខឹង ឬកាត់កាលកូនចោលមែនទេ? ជាការពិតណាស់ ម្តាយគួរតែខឹង ប៉ុន្តែ សូមអ្នកម្តាយគ្រប់រូបគួរគិតអោយបានច្បាស់ ហើយគាំទ្រកូនអ្នកផង ព្រោះកូនរបស់អ្នកត្រូវប្រឈមមុខនឹងផលវិបាកនានាជាច្រើន។

តល់ការគាំទ្រ
យុវតីមានផ្ទៃពោះច្រើនតែជាវិបត្តិមួយសម្រាប់ក្មេងស្រី និងគ្រួសាររបស់នាង ព្រមទាំងឪពុករបស់កូនផងដែរ។ ប្រតិកម្មរបស់ក្រុមគ្រួសារដែលគេជួបប្រទះជាញឹកញាប់នោះមានដូចជា ការខឹង ឬកាត់កាលកូនចោលតែម្តង។ កូនស្រីអ្នកក៏ប្រហែលជាធ្លាប់មានបញ្ហាថប់អារម្មណ៍ ភ័យខ្លាច តក់ស្លុត និងបាក់ទឹកចិត្តហើយ។ ចូរនិយាយប្រាប់កូនស្រីអំពីអ្វីដែលអ្នកកំពុងតែយល់ឃើញ និងជម្រើសដែលនាងត្រូវដើរ។ នាងត្រូវការក្តីស្រឡាញ់ ការណែនាំ និងការគាំទ្រពីអ្នកជាងគេបង្អស់តែម្តង។

ស្វែងរកដំណោះស្រាយជាមួយគ្នា
យុវតីដែលមានផ្ទៃពោះអាចមានជម្រើសច្រើនចំពោះកូនរបស់នាងដូចជា ៖

ទុកកូន និងរង់ចាំថ្ងៃកូនកើត ៖ យុវតីមានផ្ទៃពោះភាគច្រើនតែងតែរក្សាកូនរបស់គេទុក។ អ្នកខ្លះក៏សម្រេចរៀបការជាមួយឪពុករបស់ក្មេងនោះតែម្តង។ អ្នកខ្លះទៀតក៏ពឹងផ្អែកទៅលើការគាំទ្រពីគ្រួសាររបស់គេដើម្បីចិញ្ចឹមកូននោះអោយធំដោយគ្មានស្វាមី។ ការបញ្ចប់ការសិក្សានៅសាលា និងទទួលបានការងារល្អមួយអាចជារឿងពិបាកសម្រាប់ម្តាយជាយុវវ័យបែបនេះ។ បើសិនជាកូនអ្នកកំពុងតែគិតអំពីការថែរក្សាកូននោះ ចូរប្រាកដថា នាងបានយល់ដឹងពីការលំបាក និងទំនួលខុសត្រូវទាំងអស់រួចហើយ។
បញ្ចប់ការមានផ្ទៃពោះ ៖ យុវតីមានផ្ទៃពោះមួយចំនួនអាចជ្រើសរើសការបញ្ចប់ការមានផ្ទៃពោះ ដោយការរំលូតកូន។ បើសិនជាកូនអ្នកកំពុងតែគិតចង់យកកូនចេញនោះ ចូរពិភាគ្សាជាមួយគ្រូពេទ្យ ដើម្បីបានដឹងពីការប្រឈមមុខ និងផលវិបាកនានា។

ក្រៅពីនេះ ក្នុងនាមជាឪពុកម្តាយ អ្នកគួរតែលើកទឹកចិត្តដល់កូនស្រីរបស់អ្នកអោយនិយាយអំពីជម្រើសនៃការថែទាំសុខភាព ឬពិគ្រោះជាមួយគ្រូពេទ្យជំនាញបន្ថែមទៀត៕

ប្រភព Health.com.kh

មុន បន្ទាប់

មតិយោបល់