តើអ្វីជាជំងឺឆ្លង?

តើអ្វីជាជំងឺឆ្លង?

w.health.com.khថ្ងៃទី25 វិច្ឆកា ឆ្នាំ2014

ជំងឺឆ្លង គឺជាជំងឺទាំងឡាយណា ដែលបណ្តាលមកពីពពួកមីក្រូសារពាង្គកាយ ដែលមានដូចជាបាក់តេរីវីរុសស ផ្សិតឬប៉ារ៉ាស៊ីតជាដើម។ មានមីក្រុបជាច្រើន កំពុងតែរស់នៅក្នុង ឬនៅលើរាងកាយរបស់យើង។ ពួកវា ជាធម្មតា មិនបង្កគ្រោះថ្នាក់នោះទេ ឬពេលខ្លះ ថែមទាំងមានប្រយោជន៍សម្រាប់រាងកាយថែមទៀតផង។ ប៉ុន្តែស្ថិតនៅក្រោមលក្ខខណ្ឌជាក់លាក់ណាមួយ ពពួកមីក្រុបមួយចំនួនអាចបណ្តាលអោយមានជំងឺបាន។

ជំងឺឆ្លងមួយចំនួនអាចត្រូវបានឆ្លងពីមនុស្សម្នាក់ទៅមនុស្សម្នាក់ទៀត។ មួយចំនួនទៀត ត្រូវបានចម្លងតាមរយៈការខាំរបស់សត្វល្អិតឬសត្វផ្សេងៗ។ ហើយខ្លះទៀត ត្រូវបានចម្លងតាមរយៈការញ៉ាំអាហារឬទឹកកខ្វក់ឬដោយការប៉ះពាល់ទៅនឹងមីក្រុបនៅក្នុងបរិស្ថាន។រោគសញ្ញា អាចមានការប្រែប្រួល ដោយអាស្រ័យលើប្រភេទមីក្រុបដែលបង្កការឆ្លងនោះ។ ប៉ុន្តែ ជាញឹកញាប់ រោគសញ្ញាអាចរួមមានគ្រុនក្តៅនិងអស់កម្លាំង។ ជំងឺឆ្លងដែលមានកម្រិតស្រាលអាចនឹងជាមកវិញ ដោយការសម្រាក និងការថែទាំនៅផ្ទះខណៈដែលការឆ្លងមេរោគមួយចំនួនទៀត អាចគម្រាមកំហែងដល់ជីវិត ដែលអាចនឹងតម្រូវអោយមានការព្យាបាល និងសម្រាកនៅមន្ទីរពេទ្យ។

មានជំងឺឆ្លងជាច្រើនដូចជា ជំងឺកញ្ជ្រឹលអុតស្វាយ និងជំងឺដទៃផ្សេងទៀត អាចត្រូវបានបង្ការដោយវ៉ាក់សាំង។ ការលាងសម្អាតដៃ អោយបានញឹកញាប់និងហ្មត់ចត់ ក៏អាចជួយការពារអ្នកពីជំងឺឆ្លងបានផងដែរ។ ត្រូវចងចាំថា ដើម្បីទទួលបានសុខភាពល្អ អ្នកត្រូវតែ “ហូបស្អាត ផឹកស្អាត និងរស់នៅស្អាត”៕

ប្រភព៖health.com.kh

មុន បន្ទាប់

មតិយោបល់