តើអ្នកធ្លាប់ដឹងអ្វីខ្លះ ពីជំងឺប្រមេះទឹកថ្លា?

តើអ្នកធ្លាប់ដឹងអ្វីខ្លះ ពីជំងឺប្រមេះទឹកថ្លា?

ជំងឺប្រមេះទឹកថ្លា ត្រូវបានគេរាយការណ៍ជាទូទៅថា ជាជំងឺកាមរោគ។ ជំងឺនេះ (ជំងឺកាមរោគ) នៅសហរដ្ឋអាមេរិក វាគឺជាការឆ្លងមេរោគ ជាមួយនឹងបាក់តេរីម្យ៉ាង ដែលគេស្គាល់ថាជា Trachomatis Chlamydia។ ប្រមេះទឹកថ្លា គឺវាស្រដៀងគ្នាទៅនឹង ជំងឺប្រមះទឹកបាយដែរ នៅក្នុងរោគសញ្ញា និងគំរូនៃការឆ្លងរបស់វា។ វាជាការសំខាន់ណាស់ ក្នុងការកត់សម្គាល់ថាមនុស្សជាច្រើន (ទាំងបុរស និងស្ត្រី) ដែលត្រូវបានឆ្លងមេរោគប្រមេះទឹកថ្លានេះ គឺមិនមានរោគសញ្ញាណាមួយ ហើយអាចនឹងមិនដឹងថា ពួកគេមានការឆ្លងមេរោគនេះផងដែរ។ ការឆ្លងមេរោគនេះ អាចបង្កឱ្យមានការខូចខាតដល់ដៃស្បូនរបស់ស្ត្រី និងអាចនាំឱ្យស្ត្រីគ្មានកូន នាពេលអនាគត និងការកើនឡើងនូវហានិភ័យ នៃការមានកូនក្រៅស្បូនផងដែរ។ ការឆ្លងមេរោគ ប្រមេះទឹកថ្លា ក្នុងអំឡុងពេលមានផ្ទៃពោះ ក៏អាចបង្កើនហានិភ័យ នៃការកើតកូនមកមិនគ្រប់ខែ និងទារកដែលកើតមក មានទម្ងន់ស្រាលជាងធម្មតា។

Venereum Lymphogranuloma គឺជាប្រភេទមួយផ្សេងទៀតនៃជំងឺកាមរោគ ដែលជាទូទៅ គឺសំបូរនៅក្នុងប្រទេសកំពុងអភិវឌ្ឍ និងត្រូវបានបង្កឡើងដោយពូជខុសគ្នា នៃបាក់តេរី Trachomatis Chlamydia៕

ប្រភព៖health.com.kh

មុន បន្ទាប់

មតិយោបល់