វិធីក្នុងការធ្វើឲ្យខ្លួនឯងក្លាយជាមនុស្សប្រុសសង្ហាម្នាក់

វិធីក្នុងការធ្វើឲ្យខ្លួនឯងក្លាយជាមនុស្សប្រុសសង្ហាម្នាក់

គ្រាន់តែមុខមាត់និងស្បែកស្អាតតែមួយមុខមិនមែនត្រូវបានគេហៅថាសង្ហានោះទេតែគេគ្រាន់តែហៅថាគាត់ជាមនុស្សស្អាត។មានចំណុចជាច្រើនដែលជាវិធីងាយៗក្នុងការធ្វើឲ្យខ្លួនឯងក្លាយជាមនុស្សប្រុសសង្ហាម្នាក់ដោយមិនចាំបាច់ប្រើប្រាស់លុយច្រើន :
ទីមួយ : អាកប្បកិរិយានិងបុគ្គលិកលក្ខណៈ
- កសាងទំនុកចិត្ត : មិនមែនសំដៅលើធម្មជាតិដែលខ្លួនមានមិនមែនសក់ឡួយក៏មិនមែនដោយសារមានស្បែកជើងនិងនាឡិកាថ្លៃប្រើនោះទេតែសំដៅលើការជឿជាក់លើខ្លួនឯងក្នុងការធ្វើអ្វីមួយដោយច្បាស់លាស់និងមានមូលហេតុ
- ស្វាហាប់ : ទាំងការដើរឈរអង្គុយធ្វើយ៉ាងណាឲ្យខ្លួនមានភាពមាំ។ការឈរត្រង់អង្គុយត្រង់ដើរមានឲ្យដូចជាមានកម្លាំងវាបានធ្វើឲ្យយើងត្រូវបានគេមើលឃើញថាជាមនុស្សដែលមានសុខភាពល្អនិងទំនុកចិត្តលើខ្លួនឯង
- ញញឹម : ព្យាយាមញញឹមទៅកាន់មនុស្សនៅជុំវិញខ្លួនដែលវាក៏ជាកត្តាដែលអាចធ្វើឲ្យខ្លួនឯងមើលទៅមិនមែនជាមនុស្សអស់កម្លាំងនិងខ្វះភាពក្លាហាន
- ការប្រើប្រាស់ខ្សែភ្នែក : ព្យាយាមប្រើខ្សែភ្នែកឲ្យបានចំៗជាមួយនឹងមនុស្សដែលជាដៃគូពិភាក្សាដែលវាក៏បានបង្ហាញឲ្យគេដឹងថាអ្នកជាមនុស្សមានចំនេះដឹងនិងជឿជាក់លើអ្វីដែលខ្លួនបាននិយាយ
ទីពីរ : ម៉ូដនិងស្ទីលប្រចាំខ្លួន
- ការស្លៀកពាក់និងស្ទីលនៃការលេងខ្លួនរបស់អ្នកបានបកស្រាយនិងនិយាយប្រាប់អ្នកនៅជុំវិញអ្នកយ៉ាងច្រើន
- ឧស្សាហ៍ក្រឡេកមើល ឬ លួចចម្លងខ្លះពីមនុស្សប្រុសផ្សេងៗទៀតដែលអ្នកគិតថាមានមនុស្សស្រីជាច្រើនបានចាប់អារម្មណ៍លើគាត់
- ស្វែងរកនិងហៅឲ្យអ្នកនៅក្បែរអ្នកជាពិសេសមិត្តភ័ក្តជួយជាគំនិតក្នុងការប្រើប្រាស់អ្វីដែលពួកគេមើលមកថាសមនឹងអ្នក
ទីបី : អនាម័យខ្លួន
- បើមនុស្សប្រុសម្នាក់គិតថាវាជារឿងតូចតាចដូចជាក្រចកដៃក្រចកជើងនោះវានឹងក្លាយជាបញ្ហាមួយពីព្រោះថាមានមនុស្សស្រីច្រើនណាស់ចូលចិត្តមើលលើរបស់ទាំងនេះមុននឹងគេចាប់ផ្តើមគិតពីចុះទម្រាំកន្លែងផ្សេង
- ចំណាយពេលខ្លះជាមួយនឹងសក់របស់អ្នកផងព្រោះថាម៉ូដសក់អាចធ្វើឲ្យមុខរបស់អ្នកប្រែប្រួលខ្លាំងបើសមនឹងទម្រង់មុខនោះកាន់តែសង្ហាតែបើមិនចំទេនោះនឹងធ្វើឲ្យអ្នកក្លាយជាមនុស្សផ្សេងទៀត
- ថែរក្សាស្វែកក៏ជាការសំខាន់បើទោះបីជាមនុស្សស្រីមួយចំនួនមិនសូវខ្វល់ពីបញ្ហានេះក៏ដោយ
- ការទទួលអាហារសមស្របការទទួលដំណេកគ្រប់គ្រាន់និងការហាត់ប្រាណជាប្រចាំបានធ្វើឲ្យស្មារតីរបស់មនុស្សប្រុសកាន់តែស្រស់ស្រាយ
កត្តាដ៏សាមញ្ញទាំងបីខាងលើពិតជាអាចប្រើប្រាស់បានសម្រាប់មនុស្សប្រុសគ្រប់គ្នាដែលមិនទាន់គិតដល់វាប៉ុន្តែយ៉ាងណាគួរតែគិតពិចារណានិងយល់ឲ្យច្បាស់ពីចំណុចនីមួយៗផងទើបការអនុវត្តប្រព្រឹត្តទៅមានប្រសិទ្ធិភាពខ្ពស់៕

http://i1272.photobucket.com/albums/y389/domneng/Bride/Handsome1_zpscf74b059.jpg