អ្វីដែលគួរតែរំពឹងទុក នៅពេលលាងឈាម?

អ្វីដែលគួរតែរំពឹងទុក នៅពេលលាងឈាម?

ការព្យាបាលដោយការលាងឈាម ជាធម្មតា វាមិនបណ្តាលអោយឈឺ ឬមិនស្រួលអ្វីនោះទេ។ ទោះជាយ៉ាងណាក៏ដោយ អ្នកជំងឺមួយចំនួន អាចវិវត្តទៅជាចុះសម្ពាធឈាម ដែលអាចនាំអោយឈឺក្បាល រមួលក្រពើ ចង្អោរ និងក្អួត។ ជាធម្មតា វានឹងបាត់ទៅវិញ ក្រោយពីការព្យាបាល។
ប្រសិនបើអ្នកលាងឈាម អ្នកអាចមានអារម្មណ៍ថា ៖
-    អ្នកមិនមានកម្លាំង ៖ ការលាងឈាម អាចបណ្តាលអោយអ្នកអស់កម្លាំង។
-    អ្នកអាចធ្លាក់ទឹកចិត្ត ៖ ជំងឺធ្លាក់ទឹកចិត្ត គឺជាបញ្ហាទូទៅ ក្នុងចំណោមអ្នកជំងឺជាច្រើន ដែលលាងឈាម ប៉ុន្តែ ជារឿយៗ វាអាចត្រូវបានព្យាបាលបាន។ ចូរពិគ្រោះជាមួយនឹងគ្រូពេទ្យ ប្រសិនបើអ្នកមានអារម្មណ៍ធ្លាក់ទឹកចិត្ត។
-    អ្នកអាចមានអារម្មណ៍ដូចជា អ្នកមិនសូវមានពេល ដើម្បីធ្វើរឿងអ្វីមួយ។ ការលាងឈាម តម្រូវអោយមានកាលវិភាគម៉ត់ចត់ និងមានរបៀបរស់នៅត្រឹមត្រូវ ដែលអាចរំខានដល់សមត្ថភាពក្នុងការធ្វើការ ឬរីករាយសកម្មភាពប្រចាំថ្ងៃ។ នេះអាចជារឿងសាំចិត្តចំពោះអ្នក ឬគ្រួសាររបស់អ្នក។ អ្នកឯកទេសខាងចិត្តសាស្ត្រ អាចជួយអ្នកបាន។ អ្នកជំងឺភាគច្រើន ដែលលាងឈាម ត្រូវការព្យាបាល ៣ ដងក្នុងមួយសប្តាហ៍ ក្នុងរយៈពេល ៣ ទៅ ៥ ម៉ោងក្នុងមួយថ្ងៃ។ ជារឿយៗ វាត្រូវបានធ្វើនៅមជ្ឈមណ្ឌលលាងឈាម ទោះបីជាអ្នកជំងឺដែលលាងឈាមភាគច្រើន ដែលមកជាមួយសមាជិកគ្រួសារ ត្រូវបានគេបង្រៀនអោយប្រើវានៅផ្ទះក៏ដោយ។ គ្រូពេទ្យ នឹងពិភាក្សាជម្រើសរបស់អ្នក និង និងកំណត់ថាតើ ជម្រើសណាមួយល្អសម្រាប់អ្នក៕

ត្រួតពិនិត្យដោយ www.health.com.kh ថ្ងៃទី20 មីនា ឆ្នាំ2015

មុន បន្ទាប់

មតិយោបល់