តេស្តទឹកនោម អាចជួយដល់ ជំងឺមហារីកតម្រងនោម

តេស្តទឹកនោម អាចជួយដល់ ជំងឺមហារីកតម្រងនោម

ការស្រាវជ្រាវថ្មីមួយបានបង្ហាញថា តេស្តទឹកនោម អាចក្លាយជាតម្រូវការសំខាន់ នៅថ្ងៃណាមួយ ក្នុងការរកមើលអោយឃើញទាន់ពេលវេលា នៃជំងឺមហារីកតម្រងនោម។
វេជ្ជបណ្ឌិត គេតាន បាដានី (Ketan Badani) បាននិយាយា ការស្រាវជ្រាវនេះ គឺពិតជាសំខាន់ណាស់ ហើយជាការស្រាវជ្រាវ ដែលអាចបញ្ជាក់ច្បាស់ ដោយសារតែយើងមិនមានចលនការ នៃការតាមដានល្អ សម្រាប់ជំងឺមហារីកតម្រងនោមនោះទេ។
វេជ្ជបណ្ឌិត អេវាន ខារ៉ាស (Evan Kharasch) បាននិយាយថា អ្នកជំងឺមហារីកតម្រងនោម ដែលជំងឺត្រូវបានធ្វើរោគវិនិច្ឆ័យ មុននឹងជំងឺមហារីករាលដាល មានអត្រានៃការរស់ ៨០ ភាគរយ។
ទោះជាយ៉ាងណាក៏ដោយ ប្រសិនបើជំងឺមហារីក មិនត្រូវបានឃើញ រហូតដល់ពេលវាបានរាលដាលនោះ ៨០ ភាគរយនៃអ្នកជំងឺ នឹងស្លាប់អំឡុងពេល ៥ ឆ្នាំ។ ជំងឺដែលរកឃើញទាន់ពេល មុននឹងវាបានរាលដាលនោះ នៅតែជាបញ្ហាធំ។
វេជ្ជបណ្ឌិត Kharasch បានពន្យល់ថា មធ្យោបាយទូទៅបំផុត ដែលយើងរកមើលជំងឺមហារីកតម្រងនោម គឺការរកឃើញដោយចៃដន្យ នៅពេលដែលអ្នកជំងឺបានធ្វើស្កេន ឬ MRI។ វាមិនគ្រប់គ្រាន់ ដើម្បីប្រើការស្កេន សម្រាប់ជាមធ្យោបាយនៃការតាមដាននោះទេ ដូចនេះ គោលបំណងរបស់យើង ត្រូវវិវត្តតេស្តទឹកនោម ដើម្បីកំណត់ពីជំងឺមហារីកតម្រងនោម អោយបានទាន់ពេលវេលា៕

ត្រួតពិនិត្យដោយ www.health.com.kh ថ្ងៃទី22 មីនា ឆ្នាំ2015

មុន បន្ទាប់

មតិយោបល់