​មនុស្ស​គ្រប់រូប សុទ្ធ​តែ​ទុក​ទូ​ទឹកកក ជា​ពិភព​នៃ​ការផ្ទុក​អាហារ​។ មិន​ខ្វល់​អាហារ ឬ​របស់​ប្រភេទ​ណា​នោះ​ទេ គេ​សុទ្ធតែ​ទុក​ក្នុង​ទូទឹកកក​ទាំងអស់​។ តាមពិតទៅ មាន​របស់​មួយ​ចំនួន ដែល​អ្នក​មិន​អាច​ទុក​ក្នុង​ទូទឹកកក​បានទេ ព្រោះ​វា​នឹង​បំផ្លាញ​អាហារ​ផ្សេងៗ​ទៀត​បាន​។​តើ​មាន​អ្វីខ្លះ​?
1.​    ​អ្នក​មិន​ត្រូវ​ដាក់​ខ្លាញ់ ចូលទៅ​ក្នុង​ទូទឹកកក​ទេ ព្រោះ​វា​នឹង​កក ហើយ​ពិបាក​រលាយ​ណាស់ នៅពេល​ដែល​អ្នក​ចង់​ប្រើ​វា​។​
2.​    ​អ្នក​មិន​អាច​ដាក់​កាហ្វេ ដែល​ឆុង​រួច ឬ​គ្រាប់​កាហ្វេ​ចូល​នោះទេ ព្រោះ​វា​នឹង​បំផ្លាញ​សារធាតុ​ដើម​របស់​កាហ្វេ ហើយ​វា​អាច​ស្រូបយក​ក្លិន​នៃ​អាហារ​ផ្សេងៗ​ទៀតផង ធ្វើឱ្យ​អាហារ​ទាំងនោះ បាត់បង់​ក្លិន​ទាំងអស់​។​
3.​    ​ប៉េង​ប៉ោះ ក៏​មិន​អាច​ដាក់​ក្នុង​ទូទឹកកក​បានដែរ ព្រោះ​ក្រោយពេល​ដែល​យកចេញ គឺ​មាន​រសជាតិ​មិន​ឆ្ងាញ់​ទេ​។​
4.​    ​អ្នក​មិន​ត្រូវ​ដាក់​ខ្លឹម​បារាំង​ចូល​នោះទេ ព្រោះ​ទុក​យូរ​វា​អាច​ដុះ​ផ្សិត​បាន​។​
5.​    ​មិន​ត្រូវ​ដាក់​ដំឡូងបារាំង និង​ចេក​ចូល​ទេ​។​
6.​    ​ចុងក្រោយ អ្នក​មិន​ត្រូវ​ដាក់​ខ្ទឹម​ស និង​នំ​បុ័ង​ចូល​នោះទេ បើ​អ្នក​ចង់​ឱ្យ​ទូទឹកកក​មាន​ក្លិន​ល្អ​៕

ត្រួតពិនិត្យដោយ www.health.com.kh ថ្ងៃទី20 មីនា ឆ្នាំ2015