ថ្នាំគ្រាប់វីតាមីន D អាចពន្យឺត ដល់ជំងឺមហារីកក្រពេញប្រូស្តាត

ថ្នាំគ្រាប់វីតាមីន D អាចពន្យឺត ដល់ជំងឺមហារីកក្រពេញប្រូស្តាត

ការស្រាវជ្រាវថ្មីតូចមួយ បានបង្ហាញថា ថ្នាំគ្រាប់វីតាមីន D អាចពន្យឺត ឬការពារជំងឺមហារីកក្រពេញប្រូស្តាតពីការវិវត្ត។
វេជ្ជបណ្ឌិត ប្រ៊ូស ហូលីស (Bruce Hollis) បាននិយាយថា វីតាមីន D បន្ថយការរលាកនៃជាលិកា និងការរលាកនានា ដែលជាអ្នកបង្កអោយមានជំងឺមហារីក។
ចំពោះការស្រាវជ្រាវ អ្នកស្រាវជ្រាវបានមើលទៅលើបុរស ៣៧ នាក់ ដែលត្រូវបានជ្រើសរើស ដើម្បីធ្វើការកាត់ក្រពេញប្រូស្តាតចោល ឱ្យទទួលថ្នាំគ្រាប់វីតាមីន D ឬ Placebo ជារៀងរាល់ថ្ងៃ ក្នុងរយៈពេល ៦០ ថ្ងៃ មុននឹងធ្វើការវះកាត់។
នៅពេលដែលក្រពេញប្រូស្តាត ត្រូវបានពិនិត្យក្រោយពីការវះកាត់របស់ពួកគេ អ្នកស្រាវជ្រាវបានរកឃើញថា អ្នកជំងឺជាច្រើនដែលបានទទួលវីតាមីន D មានភាពប្រសើរឡើង នៃដុំក្រពេញប្រូស្តាត ខណៈដែលដុំសាច់ចំពោះអ្នកប្រើ Placebo នៅតែដដែល ឬកាន់តែអាក្រក់ទៅៗ។
វេជ្ជបណ្ឌិត Hollis បាននិយាយថា លើសពី ៦០ ភាគរយនៃការប្រើវា វីតាមីន D ពិតជាធ្វើឱ្យជំងឺមហារីកប្រសើរមែន។
គាត់បានបន្តថា ចំពោះករណីមួយចំនួន ដុំសាច់រួមតូច ហើយក្នុងករណីដទៃទៀត ជំងឺមហារីកបានបាត់។ គាត់បាននិយាយថា ទោះជាយ៉ាងណាក៏ដោយ ការស្រាវជ្រាវ គឺមានទំហំតូច ដែលចាំបាច់ត្រូវការការស្រាវជ្រាវបន្ថែមទៀត។
ជារឿយៗ គ្រូពេទ្យណែនាំអោយមើល និងរង់ចាំពីរយៈពេល ចំពោះបុរសដែលមានកម្រិតទាប ឬមិនសូវវិវត្តនៃដុំសាច់មហារីក។ ប៉ុន្តែ អ្នកជំងឺជាច្រើននាក់ និងគ្រួសាររបស់ពួកគេ មិនមានផាសុខភាពក្នុងការរង់ចាំ និងជ្រើសរើស ឱ្យធ្វើការវះកាត់ មុននឹងវាត្រូវបានគេចាត់ទុកថា ជារឿងចាំបាច់នោះ។ ការស្រាវជ្រាវនេះបានបង្ហាញថា ការប្រើវីតាមីន D អាចជួយបន្ថយតម្រូវការ សម្រាប់ការព្យាបាលដោយរស្មីវិទ្យុសកម្ម។
ប៉ុន្តែ វេជ្ជបណ្ឌិត អេនតូនី ដាមីកូ (Anthony D’Amico) បាននិយាយថា ការស្រាវជ្រាវនេះ គឺពិតជាតូច ដើម្បីឈានទៅដល់ការសរុបរួមមួយ អំពីតម្លៃនៃវីតាមីន D ក្នុងការប្រយុទ្ធប្រឆាំង នឹងជំងឺមហារីកក្រពេញប្រូស្តាតណាស់។
គាត់បាននិយាយថា វាពិតជាលឿនណាស់ ក្នុងការសរុបនេះ។ ការស្រាវជ្រាវ ក៏ត្រូវការពិនិត្យលើចំនួន នៃការស្រាវជ្រាវជាច្រើនលើអ្នកជំងឺផងដែរ។
វេជ្ជបណ្ឌិត D’Amico បានសង្កត់ធ្ងន់ថា បុរស មិនគួរចាប់ផ្តើមប្រើថ្នាំគ្រាប់វីតាមីន D ក្នុងក្តីសង្ឃឹមនៃការពន្យារ ឬព្យាបាលជំងឺមហារីកក្រពេញប្រូស្តាតនោះទេ។
វីតាមីន D ត្រូវបានបង្កើតឡើងដោយខ្លួនយើង នៅពេលដែលវាត្រូវបានប៉ះពាល់ទៅនឹងពន្លឺព្រះអាទិត្យ។ វាក៏ត្រូវបានរកឃើញនៅក្នុងខ្លាញ់ត្រី និងអាហារមួយចំនួនទៀតផងដែរ៕

ត្រួតពិនិត្យដោយ www.health.com.kh ថ្ងៃទី24 មីនា ឆ្នាំ2015

មុន បន្ទាប់

មតិយោបល់